Турыстығ фестивальыбысты кӧдіре алып
11.10.2023
Хабарлар
«Чир Чайаан-2023» фестиваль тузында
Ӱн пиріс. Хакасияның чуртағҷылары «Чир Чайаан» фестивальы ӱчӱн Достижения.РФ сайтта ӱн пир поларлар
«Чир Чайаан» – культурада 20 чыл чуртап париған проект. Амғы тусха теере ол региондағы ӱлӱкӱннең пасти улуғ фестивальға айлан парған. Хакасиябыс ікі чыл аразына пір хати театр кіні пол парча. Мында Россияның аймах пулуңнарынаң паза хырығ озаринаң саблығ артисттер чыылыс парчалар.
«Чир Чайаан» – чир-чайааннаң палғалыстығ фестиваль. Ол чонның культура кибірлері паза ибіркі чир ӱстӱ пик палғалыстығ полчатханын киречілепче.
Полған на фестивальның хайхастығ сари пар. Іди пӱӱл «Чир Чайаан» тасхархы театр оңдайынҷа ирткен. Аалҷыларны чылығ удурлапчатхан республикабыста пис хазнаның паза Россияның тоғыс городының чайаачы ӧмелері чыылысханнар.
4 ноябрьда Россияның ӧӧн городында, саблығ ВДНХ-ның чирінде, «Россия» чоннар аразындағы кӧзідіг-форум пасталар. Анда хазнабыстың полған на регионы пос чидиин кӧзідер. Ағаа хоза, тӧстегҷілер Достижения.РФ сайтты тоғындырыбызарлар. Анда полған на регион позының турыстығ проектінең таныстырар. Хакасияда «Чир Чайаан» фестиваль иң чидігліг проекттернің пірсіне саналча. Ол хайхастығ бренд полча. Аны аймах чон пӧзік паалапча. Республиканың чуртағҷылары «Чир Чайаан» проект ӱчӱн пу ссылкаҷа https://достижения.рф/ ӱн пиріп, улуғ хозым идерлер.
Сом Дмитрий Сунчугашевти
Автор :
Аскар Артамонов
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде