Матырларны сағысха кирерлер
25.10.2023
Хабарлар
Ағбанда мероприятие тимір чол вокзалы алнындағы ачыхта иртер
Хумартхылас. 28 октябрьда Хакасияда чааҷы паза служба ӧдізін толдырчадып чуртастарын пир салғаннарны хумартхылаҷаң кӱн иртер
Пӱӱл мероприятиелер Димитровскай суббота кӱнде прай муниципалитеттерде иртерлер. Митингтернің аалҷылары кизек чаалазығларда чат халған чааҷыларның, ол санда СВО араласчыларының, іҷе-пабалары, ӧкіс халған ипчілері паза палалары поларлар. Хумартхылас мероприятиелерінде ідӧк толдырығлығ ӱлгӱнің республикадағы паза федеральнай органнарының устағҷылары, тоғынҷылары аралазарлар.
Тимненісті Хакасия правительствозы «Родительский набат» чааҷыларның іҷе-пабалары комитедінең, «Боевое братство» тиксі Россиядағы ветераннар пірігізінің Хакасиядағы пӧлиинең, Хакасияҷа МВД-наң, республика ДОСААФ-ынаң, республиканың чааҷы комиссариадынаң пірге тоғынып апарча.
Чат халған чааҷыларның сӧбірелеріне ахчалығ полызығ, чазы читкелек палаларына сыйыхтар (сертификаттар) читірілер.
Хумартхылас кӱні піcтің республикада 2001 чылдаң «Родительский набат» чааҷыларның іҷе-пабалары комитедінің пастаа хоостыра иртірілче.
Сом авторни
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
27 | 28 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде