Чонға тоғынары – иң аарлығ
16.01.2024
Хабарлар
Хазнабыстың ööн городында «Кiчiг чир-суу – Россия кӱзi» тиксi Россияның муниципальнай форумы иртче. Хазнабыстың 89 регионының муниципальнай пӱдiстерiнең 7,5 муң кiзiзi чыылыс парған. Хакасиядаң форумда регион пазының пастағы орынӌызы Татьяна Курбатованың устаанынаң 40 кiзi араласча.
«Кӱзiбiс – кiзiлерiбiсте» ööн чоохтазығларның пiрсiнде президент администрациязы устағӌызының пастағы орынӌызы Сергей Кириенко чоох тутхан. Форум араласчыларынзар айланып, ол таныхтаан, муниципальнай служащайлар чонға иң чағын ӱлгӱ синiнiң кiзiлерi полчалар, аннаңар оларның ööн пöгiнi хазнабыстың тилiзiне паза халых чонның турыстыра чуртазына тоғынары полча.
- Ciрер чонға иң чағынзар, прай азых ӱлгӱнiң кöрiмi полчазар. Таныхтапчам, муниципальнай служба – ол олаңай тоғыс нимес, ол чонға тоғынары. Пу сöстерде иң аарлығ нимелер - тоғыс кöстеглерi паза тоғыс салтарлары, ибiркi чуртазыбысты кӱннең кӱнге чахсыландырар чӱректең сыхчатхан кöңнiбiс. Ол тоғыс ахча тоғынып алар алай махтадар ӱчӱн нимес толдырылча, iди чӱрек кӱстепче, - чоохтаан Сергей Кириенко.
Араласчылар чоохтапчалар, форум иртчеткенi хазнабыста орындағы пос устаныстың тилiзiнде наа хаалағ полча. Пастағызын на прай хазна муниципалитеттер пастары пiр орында, «Россия» чоннар аразындағы кöзiдiг форумында, чыылыстылар. Мында хазнабыстың полған на регионының ööн чидiглерi кöзiдiге сығарылған. Панельнай чоохтазығ араласчылары кiзi потенциалын тилiдер паза муниципалитеттер устапчатхан öмелер тоғызын чахсыландырар сурығларын ӱзӱргеннер.
- Пӱӱн Россияда социальнай лифттер механизмi маңнаныстығ тоғынча. Аның ööн кирексiнiстерiнiң пiрсi ӱгредiг полча. Чуртас тооза ӱгренерiн амғы тус кирексiпче. Хазнанаң устир тоғызында тилирге пöгiнчеткеннерге Президент академиязында кöп программа тöстел парған. Анда алынӌа орында «Губернаторлар школазы» турча. Аны тоосхан 51 кiзi регионнарның устағӌылары, пис кiзi федеральнай министр полыбысхан. Ирткен чылда Академияда «Мэрлер школазы» тоғынып пастаан, анда ӱгренчеткен тöрт кiзi ӱгренiс тузындох тоғызында öзiп алған. Анзы ӱгредiг инструментiнiң тузазын кöзiтче. Академия тӱзiмнiг тоғынар паза таланттығ чиит кiзiлернi прай хазнаӌа тiлирiн паза ӱгредерiн узаратча, - таныхтаан Президент ака не дэдемиязының ректоры, «Россия оңдайлар хазназы» автономнай коммерческай нимес организацияның ööн директоры Алексей Комиссаров.
Кӱн тооза Москвадағы ВДНХ-ның площадказында ӱс алғым панельнай чоохтазығ апарылған, 32 тегiлек стол паза 25 лекция ирткен.
Мероприятиеде сигiс павильон тоғынча. Форумда ВАРМСУ-ның тöрт алғым муниципальнай проектiнiң презентациязы ирткен, «Муниципальнай чоохтазығ – 2023» марафонның салтарлары идiлген.
Хайди искiрген Харатастың мэрi Василий Белоногов, ол «Городтарға рецепттер» чоохтазығда араласхан. Спикерлер, саблығ ученайлар, идiнӌектер паза Солково школаның преподавательлерi полғаннар.
- Чоохтазығда ӱлгӱ паза öткiн чуртағӌылар, пiрге тоғынып, городта истiг оңдайлар чахсыландырар сурығлар ӱзӱргеннер. Андағ тоғыс Харатаста апарылча – «Мир» сквер, «Юность», Калинин орамазында туралар алнындағы олған площадкалары. Пiрге тоғынып, городтың пасха даа орыннарын тöстирбiс паза хайраллирбыс, - искiрген Харатас городтың пазы.
Абрек Челтыгмашев Экзам Губайдуллиннең пірге тоғынардаңар чӧптезігде хол салыбысханнар
Форумның ööн салтарларының пiрсi Хакасия Татарстанның муниципальнай пӱдiстер чöбiнең чöптезiг идiбiскенi полча. Аны хоостыра регионнар устағӌылары пос устаныс органнарының тоғызы опыдынаң ӱлезерлер, программалар толдырарында пiрге тоғынарлар.
Сомнар «Кiчiг чир-суу – Россия кӱзi»
форумының пресс-службазыни
Автор :
Тимнеен Антон Чертыков
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде