Хакасияда табығлар пӧзік синде ирткен
12.04.2024
Хабарлар
Тоғазығ тузында
Тоғазығ. Хакасия пазы Валентин Коновалов Россияның Ӧӧн табығ комиссиязының араласчызы Константин Мазуревскийнең тоғасхан
Тоғазығ сурығларының пірсі хазнаның ӧӧн табығлары республикада хайди ирткеніне чарыдылған. Россия президентіне табығлар Хакасияда пӧзік синде ирт парған. Хорғыс чох, азых паза сын – анзын табығҷылар араласханы киречілепче.
Константин Мазуревский регион правительствозына ол тоғыс ӱчӱн алғызын читірген, президент табығларына тимненіс пӧзік синде ирткенін паза ӱн пирісті иртірерінде прай синдегі ӱлгӱлер тӱзімніг пірге тоғыныбысханын таныхтаан: ол тудығ чох, табығ правозының прай нормалары толдырылып ирткен.
Регионда чуртағҷыларның табығ праволарын толдырарына прай кирек оңдайлар тӧстелген. ЦИК араласчызы таниинаң, Хакасияның ӱн пиріс праволығ чуртағҷылары табығларға нандырығлығ хайғаннар.
Тоғазығ тузында ідӧк кӱскӱде иртер табығлар ӱзӱрілген. Тиксі, Хакасияның Табығ комиссиязы искіриинең, пістің республиканың чирінде 25 табығ кампаниязы иртер. Улуғ муниципальнай кампаниядаң пасха, Хазна Думазынзар хазнадағы чалғыс хоза табығлар полар.
ЦИК араласчызы тимненіс тузында законодательствоның прай нормаларына тудынарға паза олох туста участоктардағы ӱн пирісте табығҷыларға хорғыс чох оңдайлар тӧстирге кирек тіп таныхтаан.
– Киртінчем, прай іди полар. Піс пос саринаң анзына прай кӱзібіс саларбыс, – ізендірген Хакасия пазы.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
