Чайаачы марығлар парча
16.04.2024
Хабарлар
Культураның наа сезоны «Россия» кӧзiдiгде Алтай, Тыва, Хакасия республикаларның нымахчыларының хай мариинаң азылған.
Марығласханы – нааҷылалған культура программазының чарылбас-ӱзiлбес чардығы. Чайаачы мӧрiйлер «Россия» кӧзiдiгнiң аалҷыларының хайиин улам тартар. Марығлар хазнадағы культураларның паза кибiр-чозахтарның аймаан кӧзiдерлер.
Наа программа Сойан-Алтай хайҷыларының чапсых турнирiнең азылған. Чиит ырҷылар паза саблығ артисттер хай искусствозында постарының устарын кӧзiткеннер. Алтайның, Туваның паза Хакасияның кӧг кибiрлерiн истiп, кӧрiгҷiлернiң алнында Сибирьнiң кип-чоохтары «тiрiлгеннер». Олох туста хайҷылар пос чонының кӧг тирiглерiнең ойнааннар.
Марығҷылар аймах оңдайнаң сарнааннар. Алтайның артисттерi кай ысханнар, Туваның аалҷылары, аймах ӱн-табыстар сығарып, хоомей толдырғаннар, Хакасия араласчыларының хайын нинҷе дее истерге чарир, кiзi пiр дее майыхпас.
Пу программада Алтай Республикадаң Эмиль Теркишев паза Ойгор Теркишев, Тува Республикадаң Монгун-оол Монгуш паза Сыдымоглу Куулар, Хакас Республикадаң Евгений Улугбашев паза Камат Шалгынов араласханнар. Хазыр «кӱрезiгде» кӧрiгҷiлер Алтай Республиканың хайҷыларын таллап алғаннар.
Мындағ марығлар мыннаң мындар «Россия» кӧзiдiг тоозылғанҷа иртер. Олар прай хазнаның араласчыларын чыырлар.
Автор :
Тимнеен Татьяна Тютюбеева
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
