Улуғ сӧбірелерге – наа оңдайлар
05.06.2024
Хабарлар
Хазна хабазии. Хакасияда кӧп палалығ сӧбірелерге социальнай полызығлар сині алғыдылар
Хакасияның Ӧӧркі Чӧбінің теестегі чыылиинда республика правительствозы «Кӧп палалығ сӧбірелерге социальнай полызығ пирер сурығларҷа Хакас Республиканың алынҷа закон акттарынзар алызығлар кирердеңер» закон проектін ӱзӱріге сығарған.
Закон проекті кӧп палалығ сӧбірелернің статузын орталатча, оларға социальнай полызығ пирерінҷе наа оңдайлар кирче, ол санда:
– ӧӧн паза ортымах тиксі ӱгредіг организацияларында, ідӧк ортымах ӱгредіг профессиональнай организацияларында ӱгренчеткеннерге тикке азыранары;
– школада ӱгренчеткен палаларны ӱгредіг чылына тимнир кӧстегнең, оларға кип-азах, ідӧк спорт костюмын аларына чыл сай ахча пирері;
– чурт ӱчӱн иділген хорадығларның 30 % синінҷе компенсация тӧлирі.
Аннаң пасха, закон проектінде кӧрілче, регион іҷе капиталы ахчазын сӧбірее алғым кӧстеглерҷе хорадарға чарадарға: паланы тынандырарына паза аны хазыхтандырарына; хоза ӱгредіг аларына; паланы (олғаннарны) имнег полызии пирілчеткен чирзер апар килерге, ағаа паза паба-іҷезіне аар-пеер чол ахчазын тӧлиріне; чурттың тиксі тыхтағ тоғыстарына, хаҷан ибні, пӱдіріг организациязын чаллабин, постары тыхтап айғасчатсалар.
Закон алыл парза, Хакасия правительствозына кӧп палалығ сӧбіренің статузын киречілепчеткен удостоверениені пирер оңдайны тимнирге киректелер. Ідӧк – школада ӱгренчеткен палаларға ӱгредіг чылына кип-азах, ідӧк спорт костюмын аларына чыл сай пирілчеткен тӧлеглерге ахча кӧр саларға; регион іҷе (сӧбіре) капиталы ахчазын ол-пу кӧстеглерге хорадарға чарадылчатханнаңар правилоларны тимнирге.
Наа закон 2025 чылда кӱрген айының 1-ғы кӱнінең кӱзіне кірер. Аны депутаттар пір ӱннең алыбысханнар
Сом «Хакас чирі» газета архивінең
Автор :
Хакасияның істеніс паза социальнай арачыланыс министерствозым
Пн | Вт | Ср | Чт | Пт | Сб | Вс |
28 | 29 | 30 | 31 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 1 |
Кӱн таңмазы
Хакасияда
Россияда
Тилекейде