Налог алызығлары кöбiзiне теелбес
10.06.2024
Хабарлар
Хакасияның Ööркi Чöбiнiң депутаттары федеральнай закон проект ӱзӱриине чыылызарлар.
Хандых айының 11-ӌi кӱнiнде республиканың Ööркi Чöбiнде теестегi нимес сессия иртер, хайзында Россияның Налог паза Бюджет Кодекстерiне алызығлар кирiлчеткенi чарыдылған сурығлар ӱзӱрерлер. Iдöк iкi паза аннаң даа кöп палалығ сöбiрелерге хоза социальнай хабазығ пирiлердеңер чоох парар.
- Налог паза бюджет законодательствозының алызығлары президенттiң Айланыстарын чуртасха кирiлерiнең палғалыстығ. Чоох парча парысха налог синi парыс синiнең паза кöрiмiнең палғалыстығ поларынаңар, iдöк палалар ӱчӱн налог тöлеглерiнiң айландырылчатхан чардығы öс парарынаңар, - теен бюджетче паза налог политиказынӌа комитет кнезi Валерий Марков.
Парысха налог тöлирiнӌе алызығлар пiстiң хазна чуртағӌыларының ӱс ле процентiне теелер.
- Тоғынчатхан 97 % чуртағӌаа алызығ пiр дее теелбес. Оларға налог синi iдöк ле 13 % халар. Пасхазы налогты парыс синiнең тöлир, - таныхтаан Хакасияның Ööркi Чöбi кнезiнiң пастағы орынӌызы Пётр Воронин.
Россияның Налог Кодексiне алызығлар кирiл парза, бюджетсер хоза ахча кiрер.
Сом интернеттең
Автор :
Хакас Республиканың Ööркi Чöбi
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
