Палғалыс тудар оңдайлар ӱзӱрiлгеннер
10.07.2024
Хабарлар
Тоғазығ тузында
Тоғыс чорығы. Хакасияның аал хонии паза ас-тамах министрi Сергей Труфанов Узбекистандағы тоғысчы ӧменең тоғасхан
Пу чағында Хакасиязар Узбекистаннаң толдыра делегация килер. Пу тоғазығ алнында Хакас Республиканың аал хонии паза ас-тамах министерствозында Ферган облазынаң тоғысчы ӧме полған. Олар Узбекистаннаң паза Хакасиянаң палғалыс тудар оңдайлардаңар чоохтап пиргеннер.
Ферган облазындағы депутаттар чӧбiнiң депутады тоғысчы ӧменең устаан. Ӧмезер областьтағы устағ-пастағның iстенiс миграциязы, инвестициялар паза садығ сурығларынҷа специалисттерi кiргеннер. Ӧме устағҷызы сӧстерiнең, Узбекистанның аал хонии пос кирее Хакасияда аал хонии чирлерiн алып аларға сағынча. Сергей Труфановтың кӧрiзiнең, пу сурығны пӧгерi узбек диаспоразы хада-пiрге тоғынарға тимде полчатханынаң палғалыстығ.
– Землячество кiзiлерi Россияның гражданнары полчалар. Аннаңар оларға чирнең тузаланарға паза узбек чонынаң хада предприятие тӧстирге чарир. Андағ идiнҷек Узбекистанның даа, Россия субъектi алнында даа нандырығлығ поларға кирек, – таныхтаан пістің министр.
Сергей Труфановтың паалааны хоостыра, аал хонии ас-тамаан удур-тӧдiр садып, хада-пiрге тоғынарға чарир. Кӧзiдiмге, пiстiң регион Узбекистанзар Хакасиядағы хой идiн садарға тимде. Ферган облазы чир тамаан паза фрукттар ӧскiрчеткенiнең сабланча, Хакасиязар оларны садарҷығох.
– Пiс Хакасияда чир тамаан хайраллаҷаң улуғ орын пӱдiрерге сағынчабыс. Амды пӱдiрiге проект пiчии хазна сыныхтаан иртче. Килер чылда пӱдiрiгнi пастирға пӧгiнчебiс. Чир тамаан хайраллаҷаң пӱӱнгi кӱнге килiстiре комплекс чир тамаан паза фрукттар аларына оңдайларны алғыдар паза чонға ниик паанаң садылар.
Узбекистаннаң килген тоғысчы ӧменiң устағҷызы таниинаң, пу тоғазығның пӧгiнi Хакасияның аал хонии промышленнозы оңдайларынаң танызып алары полған. Пу пӧгiн толдырылған. Узбекистаннаң толдыра делегация килзе, хада-пiрге тоғынар оңдайлар iдӧк толдыразынаң ӱзӱрiлерлер.
Сом r-19.ru cайттаң
Автор :
Хакасияның аал хонии паза ас-тамах министерствозының пресс-службазы
| Пн | Вт | Ср | Чт | Пт | Сб | Вс |
| 29 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
