Ӱс кандидат пічіктерін пир салған
16.07.2024
Хабарлар
![Ӱс кандидат пічіктерін пир салған Ӱс кандидат пічіктерін пир салған](/upload/iblock/eba/fhv4lbme9fczbscrxtvpu85n6prnkxwz.jpg)
Табығлар-2024. Хакасияның Табығ комиссиязы Хазна Думазының депутадына хоза табығларға кандидат чіли санға турғызарына пічіктерні алча
Хакасияның Табығ комиссиязынзар Россия Федерациязының Федеральнай Чыылииның Хазна Думазының депутадына 35№ пір мандаттығ табығ округынҷа хоза табығларға кандидат чіли санға алыларына ӱс кандидат пічіктерні пир салған.
От айының 12-ҷі кӱнінде санға алыларына пічіктерін пир салғаннар:
Антон Палюлин – «Партия прямой демократии» политика партиязы сығарған;
Георгий Слывус – «Российская экологическая партия «Зелёные» политика партиязы сығарған;
Владимир Смышляев – «Справедливая Россия – Патриоты – За правду» политика партиязы сығарған.
Табығлардаңар законодательствоның нормалары хоостыра Хакасияның Табығ комиссиязы пирілген пічіктерні сыныхтабызар паза 10 кӱн ирткенҷе кандидаттарны санға турғызардаңар алай турғыспастаңар чарадығ алар.
Хазна Думазының депутадына 35№ пір мандаттығ табығ округынҷа хоза табығларға кандидат чіли санға алыларына пічіктер 2024 чылның от айының 24-ҷі кӱніне 18.00 часха теере алылчалар.
Автор :
Хакасияның Табығ комиссиязының хабарлар пӧлии
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде