Кирек пічіктерні пир салғаннар
26.07.2024
Хабарлар
![Кирек пічіктерні пир салғаннар Кирек пічіктерні пир салғаннар](/upload/iblock/547/xltz0wikv2g5vrqqmekgzrhn7lqebkzi.jpg)
Табығлар-2024. Хазна Думазының депутадына Хакасиядағы хоза табығларға сыхчатхан кандидаттар санға алыларына пічіктерін прайзы пир салған
Хакасияның Табығ комиссиязы искіриинең, Россияның Хазна Думазының депутадына 35 № пір мандаттығ табығ округынҷа хоза табығларға кандидаттардаң пічіктерні алҷаң тус тоозылған.
Хайди искірче Хакасияның Табығ комиссиязы, сағам партиялар сығарған кандидаттар аразында тӧрт кізі санға алылған:
Михаил Юрьевич Гайдай – «Зеленая Альтернатива»;
Антон Юрьевич Палюлин – «Партия прямой демократии»;
Георгий Александрович Слывус – «Российская экологическая партия «Зелёные»;
Владимир Леонидович Смышляев – «Справедливая Россия – Патриоты – За правду».
«Гражданская платформа» политика партиязы сығарған кандидат Сергей Михайлович Измайлов пічіктерін ідӧк пир салған. Че аны хоостыра чарадығ ам даа алылғалах.
Хазна Думазының депутадына 35 № пір мандаттығ табығ округынҷа хоза табығларға пос позын сығарған кандидат Николай Григорьевич Шульгинов Хакасияның Табығ комиссиязынзар табығҷыларның 12544 хол салғанын пир салған. Табығлар законодательствозы хоостыра пос позын сығарған кандидаттарға 11947-дең ас нимес хол салғанын чыырға киректелче.
Хакасияның Табығ комиссиязы пос позын сығарған кандидаттың пічіктерін 10 кӱн ирткенҷе сыныхтабызар, ол санда табығҷыларның хол салғаны сын полчатханын, анаң кандидатты санға алардаңар алай албастаңар чарадығ алар.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде