Полчатхан орында ӱн пирерге чарир
31.07.2024
Хабарлар
Табығлар-2024. Хазна Думазының депутадына Хакасиядағы хоза табығларда «Мобильнай табығҷы» тоғын сыххан
Россияның Хазна Думазының депутадына 35№ пір мандаттығ табығ округынҷа хоза табығларда полчатхан орын хоостыра ӱн пирердеңер табығҷылардаң айланыстығ пічіктер алары пасталыбысхан.
Чоохтирға кирек, «Мобильнай табығҷы» Хакасияның чуртағҷыларына, хайдағ даа ӱн пирҷең участокта полып Хазна Думазының депутадына хоза табығларда аралазарға оңдай пирче. Ол санға алылған адресче чуртабинчатхан чуртағҷылар аразында кирексініснең тузаланча.
Че таныхтирға кирек, полчатхан орын хоостыра ӱн пирері Хакас чирінде ле паза Россияның Хазна Думазының депутадына 35№ пір мандаттығ табығ округынҷа хоза табығларда ла тоғынча.
Ӱн пирҷең табығ участогын алыстырыбызарына 2024 чылның ӱртӱн айының 2-ҷі кӱніне теере полчатхан орын хоостыра табығҷылар санына кирердеңер айланыстығ пічік пир саларға кирек. Аны нинҷе-де оңдайнаң идерге чарир:
– Хакасияның территориальнай табығ комиссияларында:
тоғыс кӱннерінде – 9.00 частаң 18.00 часха теере;
тынағ кӱннерінде паза ӱлӱкӱннерде – 10.00 частаң 14.00 часха теере.
– «Минің пічіктерім» кӧп функциялығ кіннернің пӧліктерінде – пӧліктернің тоғыс тузында;
– хазна полызығларының пірге порталында («Хазна полызығлары») – хараа-кӱнӧрте.
Постың табығ участогынаңар Россияның Ӧӧн табығ комиссиязының сайтында «Саннығ сервистер» ӧнетін пӧлік полызиинаң піліп аларға чарир http://www.cikrf.ru/digital-services/ .
Автор :
Хакасияның Табығ комиссиязының хабарлар пӧлии
Пн | Вт | Ср | Чт | Пт | Сб | Вс |
30 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде