Чон пірікчеткен кӱнге чарыдылған
01.11.2024
Хабарлар
Программа. Хакасияда Чон пірікчеткен кӱнні алғым таныхтирлар. Мероприятиелерде полған на кізі аралас полар
1 кiчiг хырласта
12.00 часта – «Ынархас пӧӧлбегі» чӧрiм. Араласчылар Ирт тағда теелбектенерлер.
Чииттер политиказы министрі Евгения Майнагашева ӱгренҷілерге паспорттар читірер.
«Культура марафоны». Чӧрім тузында «Чоннар кӧп, хазна пір» ойын иртер.
«Улуғ этнография диктанты». Хакасияда чӧрім 94 ачыхта иртер. Кӧбізі библиотекаларда орнығар. Ідӧк акцияда онлайн аралазарға чарир. Сурығлар www.mirӱtno.rғ cайтта сығарылғаннар. Н.Г.Доможаковтың адынаң библиотекада диктантты 11.00 часта пазарға пастирлар.
«Піс хадабыс» дзюдоҷа республика турнирі. Ол 13 – 15 частығ саарбахтарға кӧрілген.
2 кiчiг хырласта
Волейболҷа регионнар аразындағы турнир. Марығда Хакасияның, Туваның, Омсктың паза Хызылчарның спорт ветераннары аралазарлар.
15.30 часта – «Россия – сӧбірелернің cӧбірезі!» акция. Мероприятие чиит сӧбірелерге кӧрілген. Олар ӧнетін чаа операциязында араласчатхан чир-суғҷыларыбысха алғыстас открыткаларын тимнирлер.
3 кiчiг хырласта
«Пос кізі ӱчӱн» чӧрім. Араласчыларға СВО-да чааласчатхан чир-суғҷыларыбысха видео суурыбызарға киректелче. Айланыс тӧреен тілінең ползын.
16.00 часта – «Сибирь – минің Ада чир-суум!» «Звоны» ансамбльның паза Ағбанның ӱбӱрҷең оркестрінің концерті.
4 кiчiг хырласта
11.00 часта – «Россияның кӱзі – чонның пірге тудынғанында» кинде кӧзідии. Аны тимнепче Хакасияның харах оды уйан кiзiлернiң ӧнетін библиотеказы.
12.00 – 16.00 часта – «Россия – пістің Ада чир-суубыс» музей-чарыдығлығ мероприятие. Аны иртірче Хакасияның ӧӧн музейі.
13.00 часта – Ағбанның «Чылтыс» кӧзідіг залында «Киртініс. Кибірлер. Пірге тудынғаны» хоостар кӧзідии азылар.
Чон пірікчеткен кӱнні прай город-аймахтарда ӧткін пайрамнирлар. Полған на муниципалитет позының программазын тимнеп салған.
Автор :
Хакасия пазының – Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
