ТААРЫҒ ТУЗЫ ХЫЫЗЫНДА ПАРЧА
24.05.2017
Хабарлар
Пӱӱнгі кӱнде Хакасияда тоңастығлар 39399 гектар хырада таарыл парған, ол санда пуғдай - 26053 гектарда, сула - 6956 гектарда, ас - 5602 гектарда.
Пу кӧзідіг 2017 чылға кӧрілген планның 38 процентіне килісче. Таарығ тоғыстарын толдырып, прайзынаң асча Пии аймаа (12185 гектар), оларға чит парирлар Шира аймаа (8131 гектар) паза Орджоникидзе аймаа (9751 гектар).
Республиканың кӧбізі чирлерінде азых культураларын таарирын пастабыстылар. Пір чыл ӧсчеткен оттар 3541 гектарда одыртылған. Алтай, Шира паза Ағбан пилтірі аймахтарында кукуруза таарылча, пӱӱнгі кӱнде ол культура 667 гектарда одыртылған.
Хайди полған на сай таныхтапча Хакасия пазы Виктор Зимин, аал хонии паза агропромышленность комплексі республикаа хорғыс чох поларына, аның тӱзімніг тилізіне паза чахсы чуртазына улуғ туза ағылча. 2009 чылдаң пасти регионның аал хониина читі миллиардча салковай субсидия пирілген, ол санда федеральнай бюджеттең - ӱс миллиардча.
Чағынғы кӱннерде аал хонии ас-тамаан сығарчатханнарға часхы хыра тоғыстарына халған хабазығ ахчазы - 167,2 муң салковай - читірілер. Чыл пасталғаннаң республиканың предприятиелері паза фермерлер 88 миллионҷа салковай алғаннар. Хабазығ пирілче хыра тоғыстарына, ГСМ аларына, малларға азых аларына паза пасха тоғыстарға. Кӧстегліг хабазығ пары хыраҷыларға пос хорадығларын синдірерге, таарығ тоғыстарын тӱзімніг толдырарға полысча.
Автор :
Хакасияның аал хонии паза ас-тамах министерствозы
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 1 |
Кӱн таңмазы
Хакасияда
Россияда
Тилекейде
