ОРЫС ТІЛІН ПІЛЧЕТКЕННЕР САНЫ СИНЧЕ
01.09.2017
Хабарлар
МОСКВА. Халғанҷы 25 чыл аразына тилекейде орыс тілін пілчеткеннернің саны 50 миллион кізее хызырыл партыр. Андағ танығ пирче Россияның Хазна Думазының ӱгредіг паза наука комитедінің кнезі Вячеслав Никонов.
Аның кӧрізінең, пу кирек Совет Союзы изелген соонаң пасталған. Андада СССР-да прайзы орыс тілліг полған. Че ирткен 25 чыл аразына улуғлар ах чарыхтаң парыбысханнар, чииттер, тізең, орыс тілін чахсы пілбинчелер. Уламох Совет Союзында саналған кидеркі республикаларда амды орыс тілін ӱгренминчелер.
Вячеслав Никонов тиңнестіріге мындағ кӧзідімнер ағылча: СССР тузында тилекейде 350 миллион кізі орыс тілінең чоохтасчаң, амды 300 миллионнаң даа асхынах кізі орыс тілін пілче. Че пасха хазналарда орыс тілін пілчеткеннернің саны ідӧк халған осхас.
Автор :
Интерфакс
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
