Хакас Республиканың
онлайн газетазы

РЕГИОННАРНЫҢ ЧӦПТЕРІ САНҒА АЛЫЛҒАН

17.01.2020
Хабарлар
Пос кӧрізі. Хакасияның Ӧӧркі Чӧбінің кнезі Владимир Штыгашев Россия президентінің Федеральнай Чыылиинзар айланызынаңар сағызынаң ӱлесче

Республиканың парламент кнезі Владимир Штыгашев, пу мероприятиеде араласхан кізі, залдағылар президенттің айланызындағы чарадығларына, айа саап, улуғ кӧңніліг ӱндескеннерін таныхтаан. Иң кирек чарадығлар санында Владимир Штыгашев хазнабыстың имнег вузтарында кӧстегліг ӱгредіге орыннарны ӧскірерінеңер президент чарадиин адаан. Ол ідӧк «Имнег кирее» паза «Педиатрия» специальностьтарға теелче, хайда кӧстегліг ӱгредіге бюджет орыннары 70 паза 75 процентке теере ӧскірілер. Ол Хакасияа уғаа кирек чарадығ, иң пурун, хазых хайраллирының пастағы синінде кадрлар суриин пӧгерге полызар. Регионнарға танығлығ президенттің паза пір чарадии - Россия Федерациязының субъекттеріне читіре алылбинчатхан парыстарның 2/3 чардығын айландырары, хайзыларын олар инвестицияларның налог вычеттері тузаланылған сылтаанда чідірчелер.

- Президенттің айланызында регионнарның сурыныстары паза чӧптері санға алылғаны ӧріндірче. Россия Федерациязы субъекттерінің кӧбізі хаҷаннаң мындағ чарадығларны сағаан. Сӧбірее хабазарына, палалар тӧріпчеткенін ӧскіреріне, пасталығ класстарның ӱгренҷілерін ізіг чииснең тикке азырирына, ідӧк хазых хайраллирының пастағы синін квалификациялығ кадрларнаң паза имнег оборудованиезінең тыыдарына кӧстелген пастағлар уламох кирек. Мин сағынчам, президенттің Федеральнай Чыылыға айланызын чуртасха кирері тиксі Россия Федерациязын паза алынча регионнарны тыыдар. Ол ідӧк хазна устағҷызының Россияның Конституциязына хай пірее алызығларны кирердеңер чӧптеріне теелче, хайзылары парламенттің тузазын паза нандыриин ӧскіреріне кӧстелген. Региондағы ӱлгӱнің пӧгіні, тізең, кирек чарадығларны чапчаң алыбызары, ол санда президент айланыста турғысхан пӧгіннерні табырах чуртасха кирер ӱчӱн, килістіре законнарға алызығлар кирері. Тоғыс илееде полар, - чарытхан Хакасияның Ӧӧркі Чӧп кнезі Владимир Штыгашев.

Автор : Хакасияның Ӧӧркі Чӧбінің искіріглер пӧлии
←
  
  
→
Пн Вт Ср Чт Пт Сб Вс
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Кӱн таңмазы
Хакасияда
Россияда
Тилекейде
Кӱн сомы