Ӏкi кiзi ӱреен
25.04.2021
Хабарлар
Пӱӱн Хакасияда COVID-19 ағырығдаң iкi кiзi ӱреенi киречiлелген. 34 паза 67 частығ иреннер ӱрептiр. Андағ оңдайнаң республикада пу ағырығдаң тиксi 523 кiзi ӱреенi санға алылған, ол санда 65 часты алтабысхан 387 кiзi алай ӱрееннернiң 73,9%.
Пу кӱннерде наа ағырығны хаптырып алғаннарның саны пiр синде тудылча. Хосхар айының 25-ҷi кӱнiнде 22 кiзiнiң коронавирусты хаптырып алғаны таныхталча. 13 кiзi оңдайланып алған. Тымо пасталғаннаң Хакасияда чуртағҷыларның 22 264 хати ағырғаны таныхталған, 21456 кiзi оңдайланып алған.
Оперативнай штаб искiриинең, ағырыбысханнарның аразында Ағбанның 10 чуртағҷызы, Харатастың 5 чуртағҷызы, Саяногорсктың – 3, Боград паза Орджоникидзе аймахтарының – 1-ер, Хызылчар крайының – 2. Ағырығ iлезiне сығарылған, 7 кiзi кискектебiскеннеңер имнег туразынзар айланғанда, 4 кiзi пневмонияа сыныхтанғанда, 4-ер кiзi ибдегiлерi паза тоғыстағылары ағырыбысханда паза 3 кiзi кӧрiлген сыныхтағда. Тӧрт кӱн аразына ағырығның тарапчатхан синi 1,2 санға тиңнелче, 7 кӱннiң – 1,3 санға.
1590 кiзiнi, ирткен кӱндегiзiнең 62 кiзее кӧп, имҷiлер хайығда тутчалар. 193 кiзi, ирткен кӱндегiзiнең 7 кiзее кӧп, ибде имненче, стационарларда – 89 кiзi. 22 кiзi аар ағырча, оларның читiзi ИВЛ полызиинаң тынча.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде