"Чахсы кирек"- хада-пiрге проект
15.05.2021
Хабарлар
Ағбанда иртчеткен Сибирьдегi чииттер форумында Президент гранттары чыындызы паза Россия кинематографисттерi пiрiгiзi хада-пiрге чарлаан "Чахсы кирек" марығның презентациязы ирткен. Ол - социальнай роликтер суурарынӌа марығ. Анда кем дее аралас полар оңдайлығ - кино суурар кирекнең наа ла айғасчатханнардаң пасти профессионалларға теере. Халых пiрiгiстерiне чон чуртазының ағырсымнығ сурығларынаң палғалыстығ темаларны, iдöк видеоға суурып, кiзiлер хайиина сығарарға чарир.
Президент гранттары фонды пресс-службазының специализi Наталья Галанинаның искiриинең, тиксi хазна синiнде иртiрiлчеткен марыға пiчiктер 20 майдаң 15 августха теере алыларлар. Чиңiсчiлернi кӱскӱде Санкт-Петербургта иртер культура форумында адирлар. Ахчалығ сыйыхтар 8 проектке читiрiлер.
- "Чахсы кирек" марығдаңар паза аның оңдайларынаңар толдыразынаң фондтың сайтында хығырып аларға чарир, - теен Москвадаң килген аалӌы. Пуох презентация тузында Президент гранттары фондының сыйиина алнында турысхан НКО- лар устағӌылары чоох тутханнар. Олар прайзы пу чыындының улуғ тузазын таныхтааннар. Аннаңар пасхаларына даа анда аралазарға чöп пирчелер. Ол санда кинематографисттерге.
Автор :
Александра Карамчакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде