35 частығ кiзi коронавирустаң ӱреен
16.05.2021
Хабарлар
Хакасияда 6 пациент "коронавирус" диагнозтығ хазыхтанып алды. Чыл пасталғаннаң республикада 4775 чуртағӌы хазыхтанып алған.
Ирткен суткада Хакасияда 26 кiзi коронавирус наа чуғынӌах ағырығны хаптырғаны iлезiне сыххан (Харатас - 8, Ағбан город паза Таштып аймаа - 4-ер, Ағбан пилтiрi аймаа - 3, Орджоникидзе паза Алтай аймахтары - 2-ер, Абаза, Асхыс паза Шира аймахтары - 1-ер). Ағырыбысханнарның iкiзi, Москвада паза Хызылчарда пол килiп, ағырығны хаптырып алған.
2021 чыл пасталғанынаң Хакасияда тиксi 5 157 кiзi ковиднең ағырған. Халғанӌы тöрт кӱнге ағырығ тарапчатхан коэфициент 1,2 тиңнелче. Имӌiлернiң хайиинда 1554 чуртағӌы, стационарда - 116, ИВЛ-да - 6. Пiр кiзi ӱреен, ағаа 35 ле час полған. Iди республикада коронавирус чуғынӌах ағырығдаң чыл пасталғанынаң 174 чуртағӌының тыны ӱзiлген.
Автор :
Тимнеен Оксана Сунчугашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде