Чарыдығлығ марафонда аралазыңар
18.05.2021
Хабарлар
20-22 майда тиксi Россияда "Новое знание" чарыдығлығ марафон иртер, хайзында Хакасияның полған на чуртағӌызы аралас полар.
Марафон хазнаның сигiс регионында иртер: Москвада, Санкт-Петербургта, Казаньда, Индiркi Новгородта, Сочиде, Владивостокта, Новосибирскте, Калининградта.
Марафонда аралазарға сағынчатханнарға https://marathon.znanierussia.ru/ сайтсар кiрерге кирек полар, хайзында марафонның онлайн-трансляциязы иртер. Анда лекциялар, чоохтазығлар, азых уроктар, мастер-класстар кöрiп аларға чарир полар.
"Новое знание" марафонда 150 спикер аралазар, хайзылары наукада, культурада, искусствода, спортта, пос киреенде пöзiк чидiглерге читкеннер. Оларның аразында кинорежиссер Тимур Бекмамбетов, балет артизi Николай Цискаридзе, пианист Денис Мацуев, профессор Татьяна Черниговская, хабарӌы Владимир Познер, академик РАН Ринат Максютов, РФ Президентiнiң пресс-секретарьы Дмитрий Песков, Москва город мэрi Сергей Собянин паза даа пасхалары.
"Марафонда пiс Россияның полған чуртағӌызына хазнаның чидiглерiнеңер чоохтар пирербiс - наукада, тархында, искусствода паза даа пасха кöстеглерде. Онлайн-трансляция полызиинаң Калининградтаң пасти Владивостокка теере полған на кiзi анда аралас полар", - таныхтаан чооғында Россияның "Знание" халых пiрiгiзiнiң ööн директоры Максим Древаль.
Автор :
Тимнеен Оксана Сунчугашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде