Аукционны иртiрбестеңер чарадығ алылды
21.05.2021
Хабарлар
Хакасия правительствозы кӱстенiзiнең Асхыс аймаанда хара тастығ орыннаң тузаланарына право пирҷең аукционны хыйа иттiрiп алды.
Аукционны Ортын Сибирьдегi чир ис-пайынаң тузаланарынҷа департамент чарлаан, ол пӱӱл 29 июньға кӧрiлген. Россияның чир ис-пайынаң тузаланарынҷа федеральнай агентство аны иртiрбеске чаратхан. Чарадығ Хакасия правительствозының официальнай айланызы соонаң алылған.
Хакасия пазы Валентин Коновалов орынҷызы Юрий Курлаевке Москвазар пу сурығҷа тоғыс чорығынаң пар килерге чахаан. 13 майда федеральнай агентствоның устағҷы орынҷызы Сергей Аксеновнаң хада республика пазының орынҷызы тоғасхан. Пiр тiл таап, Россияның чир ис-пайынаң тузаланарынҷа федеральнай агентствода наа разрезтiң ибiркi чир-чайаанға хомай теелерiнеңер паза чонның тоғырланызы ӧсчеткеннеңер регионның сағыс-кӧрiзiн истiлер.
Сергей Аксенов Ортын Сибирьдегi чир ис-пайынаң тузаланарынҷа департамент пастығына Асхыстағы хара тастығ орында хара тасты сығарар правоға аукционны хыйа идерге чахыбысхан.
– Прай таныхталған сылтағларны паза танығларны федеральнай федомствода чағын алғаннар. Роснедр устағ-пастаан алғыстапчам, республиканың паза аның чуртағҷыларының сағызын санға алған ӱчӱн, - чарытхан чарадығны Хакасия пазы.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде