31 кiзi хазыхтанып алған, 30 - ағырыбысхан
22.05.2021
Хабарлар
Пӱӱнгi кӱнде Хакасияда "коронавирус" диагнозтығ 31 кiзi хазыхтанып алды. Амды наа чуғынӌах ағырығдаң чазылып алғаннарның саны тиксi 4945 ( 01.01.2021 чылдаң сығара) кiзее чит парды.
Халғанӌы суткада лабораторияда сыныхтағ ирткен соонаң COVID-19 30 чуртағӌыдаң сығысхан ( Ағбан -15, Харатас - 8, Орджоникидзе аймаа - 4, Абаза - 2, Шира аймаа - 1):
- 3 чир-суғӌыдаң коронавирус, кискекнең ағырыбызып, имӌiлерзер айланғанда табылған;
- 6 чуртағӌыдаң наа ағырығ внебольничнай пневмониядаң имненчеткенде сығысхан;
- 7 кiзi сöбiреде ағырығны хаптырып алған, 5 кiзi - тоғыста;
- 3 кiзiдең ағырығ имӌiлер сыныхтағ иртчеткенде табылған;
- 1 кiзi, пос кöңнiнең сыныхтағ иртiбiзiп, коронавируснаң ағырчатханнаңар пiлiп алған;
- 5 чир-суғӌыбыс, хазнабыстың пасха регионнарынаң айланып, ковиднең ағырыбысхан.
2021 чыл пасталғаннаң наа чуғынӌах ағырығны 5341 хаптырып алған. 4 кӱнге ағырығның чон аразында тарапчатхан коэффициентi 1,1 кöзiдiмге тиңнелче, 7 кӱнге - 1,2.
22 майға ағырыбысханнарның палғалыста полған 1876 (+29) чуртағӌы имӌiлернiң хайиинда саналча. 105 чуртағӌы ибдең имненче, 110 (-3) кiзi - имнег тураларында, оларның iкiзi - ИВЛ-да.
Халғанӌы суткада наа чуғынӌах ағырығдаң чазыл полбин iкi чуртағӌы ах чарыхтаң парыбысты: 68 частығ ипчi паза 83 частығ ирен.
2021 чыл пасталғаннаң сығара пiстiң республикада "коронавирус" диагнозтығ тиксi 181 кiзi ӱреп парған.
Автор :
Тимнеен Ольга Томочакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде