Кем Том суғны кiрлепче?
24.05.2021
Хабарлар
Кемеров облазы чуртағӌылары, Том суғ кiрлiг ахчатханын видеоға суурып, Интернетте сығарыбысханнар. Оларның кöрiзiнең, Асхыс аймаанда орныхчатхан алтын аныпчатхан предприятие Палыхтығ суғны кiрлепче, хайзы анаң Томзар кiрче. Ирткен неделяда Хакасияның экология паза чир-чайаан ис- пайы министерствозынзар пу сурығ хоостыра айланыстар кiргеннер. Министерство суғ сыныхтаанаң айғазар эколог-специалисттернi тiлеен. Амды, оларны таап, чöптезiг идiбiскен. 25 майда специалисттер Палыхтығ суғдаң суғны сыныхтаға аларға парарлар. Неделя аразына сыныхтағның салтарлары тимде полар. Министерство таниинаң, салтарлар чир-чайааннаң тузаланар сыныхтаанӌа федеральнай службаа (Росприроднадзорзар) ызылар, хайзы iдöк алтын аныпчатхан предприятиелер тоғызын сыныхтирынаң айғасча.
Автор :
Тимнеен Оксана Челтыгмашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде