Чолларда хорғыс полбазын
25.05.2021
Хабарлар
Акция. 17-23 майда прай тилекейде чол чӧрізін хорғыс чох идерінӌе 6-ӌы улуғ неделя ирткен. Ағаа Хакасияның чуртағӌылары хынып хозылғаннар
Чол чӧрізін хорғыс чох идерінҷе улуғ неделя иртірерін ООН чарлабысхан, ол прай тилекейде 17-23 майда ирткен. Аның ӧӧн пӧгіні - чуртасха хорғыс чох орамалар тӧстирі.
Чолларда полчатхан саайлар сылтаанда, тилекейде чыл сай 1,25 миллионҷа кізінің чуртазы ӱзілче. 15-29 частығ чииттер ӧӧнінде чоллардағы саайларда ӱрепчелер. Город-аалларда кізілер хорғыс чох чуртирға киректер, че аар салтарлығ саайлар, хайзыларында чазағлар хыйалға кірче, анда пол парчалар.
Табырах олйапчатхан транспорт саайға кірзе, аның салтары улам аар полча. Аннаңар чол чӧрізін хорғыс чох идерінҷе чарлалған 6-ңы улуғ неделя водительлернің кӧбізіне пу сағысты читірерге пӧгін тутча - чолҷа ойладарын пір часта 30 километрге теере хызыр салза, ол кӧп кізінің чуртазын ал халар!
Республикада ирткен неделяда кӧп чоннығ аймах мероприятиелер иртірілген. Ӱгренҷілер «хорғыс чох час» иртіріп, чоллар хыринда плакаттар паза чол танығларын тудынып, турғаннар. Іди олар водительлерні город-аалларда табырах ойлатпас режимҷе чӧрерге хығырғаннар.
Тилекей синінде иртірілчеткен уулғ мероприятиее хозылғаннар муниципалиттеттер пастары, аймах министерство-ведомстволар тоғынҷылары паза халых пірігістері. Ӱгренҷілер, чуртаста ӧткін кӧрістіг чииттер паза Хакасиядағы ӱгредіг учреждениелерінің студенттері, водительлерні кізілер чӧрчеткен орыннарда табырах ойлатпасха хығырып, постарының страницаларында селфи-айланыстар сығарғаннар.
Чоллардағы иптіг чӧріс полған на кізінің палғалыстығ, чол чӧрізінің кӧп араласчылары аннаңар сағынарына ізенчебіс. Чолларҷа чӧріс хорғыс чох ползын тіп сағынчазар ба? Позыңнаң паста! Пӱӱннең сығара табырах олйтпа!
Автор :
Аарласнаң Хакасияның ГИБДД-зы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде