Ынархас пiрiктiрер
27.05.2021
Хабарлар
Хазна президентiнiң чахиинӌа тиксi Россияда "Олған тураларынаң сыхчатханнарның ынархазы "Хазнаның прай палалары" халых организация тöстелген. Аның ööн пöгiнi - öкiс, iӌе-паба хайии чох, школа-интернаттаң сыххан олғаннарға хабазары.
1 июньда халых организация тиксi хазнада улуғ мероприятие иртiрер, хайзы Чоннар аразындағы олғаннарны арачылаӌаң кӱнге чарыдылар. Россияның просвещение министерствозының хабазиинаң "Чағын поларға сидiк нимес" акция иртер. Ол öкiс алай ба iӌе-паба хайии чох халған олғаннарға профессия таллап аларға, чайаачы оңдайларын тилiдерге паза даа пасха хабазығларға кöрiл парған.
Акция онлайн паза офлайн форматча иртер. Ол 700 азыра олған туразының 10000 азыра олғанын пiрiктiрер.
Хакасияда, тiзең, "Чағын поларға сидiк нимес" акция хоостыра 1 июньда 10.00 часта Харатастағы школа-интернатта "Дайте детству наиграться" ойын программазы иртер.
Автор :
Тимнеен Оксана Сунчугашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде