Асхыс аймаа чуртағҷыларның чыылии иртче
27.05.2021
Хабарлар
Асхыс аймааның культура кінінде пӱӱн 14.00 часта аймахтың халыхтар палатазының алғым чыылии пасталыбысхан, хайдар прай аймах чуртағҷылары хығыртылған. Ӧӧн сурығ - Асхыс аймаанда хара тас разрезін астырбазы.
Чыылығда Хакасия пазының орынҷызы Юрий Курлаев, Хакасияның Ӧӧркі Чӧбінің депутаттары Петр Воронин, ол ідӧк Улуғлар чӧбінің кнезі, Евгений Челтыгмашев, Геннадий Канзычаков, Вячеслав Тутатчиков, Николай Разумов, Асхыс аймаа пазы Абрек Челтыгмашев килтірлер.
Чоохтирға кирек, Асхыстағы хара тастығ разрезте хара тасты анир правоға аукционны, Хакасия правительствозының айланызына тӧстеніп, Роснедр чахиинаң хыйа иділген полза даа, чуртағҷылар пу сурығны саңайға чаабызарға сағынчалар.
Асхыстағыларнаң хада чир-суубыстың экологиязына, чир ис-пайының маанналбин анылчатханына республиканың пасха даа аймахтарындағылар сағыссырапчалар. Олар ідӧк пу чыылыға килгеннер: Пии, Алтай, Таштып аймахтарынаң, Ағбан городтаң паза пасха даа город-аймахтарнаң. Чыылығда хайдағ чарадаға килгеннеңер газетаның теестегі сығарызында хығырыңар.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде