Прививканы тоғыс соонда даа турғыстырарға чарир
28.05.2021
Хабарлар
Пӱӱн Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен.
Халғанӌы суткада республикада коронавируснаң 27 кiзi ағырыбысханы iлезiне сығысхан. Хазыхтанып алғаннарның саны 43 кiзее тиңнелче. Тиксi республикада 1110 чуртағӌы тест иртiбiскен. Иң кöп ағырчатхан кiзiлер Ағбанда iлезiне сығысхан, ол 14 кiзi, Харатаста - 5. Имӌiлер хайиинда 2181 кiзi. Ибде наа чуғынӌах ағырығдаң имненчеткеннернiң саны 138 кiзее чит парған, стационарларда 109 пациент имненче, ИВЛ-да - пис кiзi.
Хайди искiргеннер оперативнай штабта, пу неделяда республиказар 1650 доза вакцина килген. Хакасияның имнег учреждениелерiнде вакцина читкiӌе. Аннаңар коронавирустаң тоғыр прививка турғыстырарға сағынчатхан кiзi чуртапчатхан орындағы имнег организациязынзар айланып турғыстыр полар. 31 майдаң Ағбандағы поликлиникада вакцинация иртiрчеткен кабинетте тоғынӌаң частар 20.00 часха теере узарадылар. Тоғынчатхан кiзiлер, тоғыс соонаң парып, прививка турғыстыр поларлар.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде