25-зер кiзi хазыхтанып алған паза ағырыбысхан
29.05.2021
Хабарлар
Хакасияда "коронавирус" диагнозтығ 25 пациент имненiп алған.
2021 чылның 1 январьынаң 5105 кiзi хазыхтанып алған. Халғанӌы суткада лабораторияда сыныхтағ ирткен соонда COVID-19 25 чуртағӌыдаң сығысхан (Ағбанда - 13, Харатаста - 6, Ағбан пилтiрi аймаанда - 5, 1 - Украина чуртағӌызы):
- 10 кiзiдең коронавирус кискекнең ағырыбызып, имӌiлерзер айланғанда табылған
- 3 кiзiдең ағырығ имнег сыныхтаан ирткенде табылған;
- 5 кiзi сöбiреде ағырығны хаптырып алған;
- 3 кiзiдең наа ағырығ внебольничнай пневмониядаң имненчеткенде сығысхан;
- 1 кiзi, пос кöңнiнең сыныхтағ иртiбiзiп, коронавируснаң ағырчатханын пiлiп алған;
- 2 чир-суғӌыбыс, хазнаның пасха регионнарынаң айланып, ковиднең ағырыбысхан.
2021 чыл пасталғаннаң наа чуғынӌах ағырығны 5335 кiзi хаптырып алған. 4 кӱнге ағырығның чон аразында тарапчатхан коэфициентi 0,9 кöзiдiмге тиңнелче, 7 кӱнге - 0,9.
29 майға ағырыбысханнарның палғалыста полған 2106 (-75) чуртағӌы имӌiлернiң хайиинда саналча. 138 кiзi имнег туразында имненче, оларның алтызы (+1) - ИВЛ-да.
Халғанӌы суткада наа чуғынӌах ағырығдаң, чазыл полбин, iкi чуртағӌы ах чарыхтаң парыбысхан: 55 частығ ипчi паза 82 частығ ууӌа.
Автор :
Тимнеен Оксана Челтыгмашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде