ПІРГЕ ТОҒЫС АПАРЫЛАР
02.03.2022
Хабарлар
Тоғазығ. Хакасия пазы Валентин Коновалов Хазна Думазының кнес орынҷызы Шолбан Кара-оолнаң тоғасхан.
Азығ айының 24-ӌі кӱнінде Хакасия пазы Валентин Коновалов Россияның Хазна Думазының кнес орынӌызы, Тыва, Хакасия республикалардаң паза Хызылчар крайынаң табылған депутат Шолбан Кара-оолнаң тоғазығ иртірген.
Тоғазығда Валентин Коновалов республикаа иң кирек сурығларны, хайзыларына регион правительствозы алынӌа хайығ салча, че оларны федеральнай хабазығ чох пӧк полбассың, кӧдірген. Кӧзідімге, чоох чарытхы сетьтерін нааӌылирынӌа мероприятиелерні «Арығ кии» программаа кирердеңер паза пос тураларын чарытхынаң чылыдарына кирерінӌе программаның хорадығларына ахча позыдардаңар парған. Ідӧк Ағбан - Ах тобырах чолны федеральнай синзер пирердеңер, онкология диспансерінің хирургия корпузын пӱдірердеңер, ээзі чох адайларнаң палғалыстығ сферада федеральнай законодательствоны алыстырардаңар паза аннаң даа пасха сурығлар ӱзӱрілген.
Шолбан Кара-оол иң кирексіністіг социальнай сурығларны пӧгерінӌе Хакасия правительствозынаң хаӌаннаң сығара тоғынча. Тоғазығда ол республикаа мыннаң мындар ідӧк хабазарға тимдезінеңер искірген.
- Хонҷых республиканаң тӱзімніг устаан паза пістің сидіксіністерібісті чахсы пілчеткен кізі амды Хазна Думазында мындағ улуғ постта тоғынчатханы пісті ӧріндірче, - таныхтаан Валентин Коновалов. - Ізенчем, піс, пірге тоғысты тӱзімніг апарып, пар сурығларны пӧкчең оңдайлар табарбыс.
Автор :
Тимнеен Иван ТИННИКОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде