ХАТЫҒЛАСТАР СУУРЫЛЧА
02.03.2022
Хабарлар
Пӱӱн республикада тоғынчатхан оперативнай штабтың теестегi чыылии ирткен. Республикада халғанӌы суткада COVID-19 наа чуғынӌахнаң 310 кiзi ағырыбысхан, ковид-полiктерзер 82 кiзi чатырылған. Оларның аразында:
- 33 кiзi ОРВИ пiлдiрiглерiнең айланған;
- 10 кiзiде ағырығ планӌа сыныхтағ тузында iлезiне сығарылған;
- 1 кiзi пасха регионда, пасха хан чирiнде чухтырып алған.
Чыл пасталғанынаң Хакасияда коронавирусты тиксi 29775 чуртағӌы чухтырып алған. Инфекция тарапчатханының коэффициенті тöрт кӱнге - 0.7, читi кӱнге - 0.5. Ибде 2718 (-314) кiзi имненче. Стационарда - 790 (-62) кiзi, оларның 11-i - ИВЛ-да.
Халғанӌы суткада пу чуғынӌахтаң 4 кiзi ӱреен, пу чыл пасталғаннаң - 236 кiзi.
Имнег тураларында пу ағырығнаң курезеріне тиксi 1165 орын тимнелген. Оларның 790-ынзар кiзiлер чатырылған. Пу кӱнде 375 орған(32%) пос турча. 724 орғанда кислород пар. Андағ орыннарның 375 (52%) сағам пос турча.
Ирткен сутканаң тиңнестірзе, чатырылғаннар саны 2 хатап комес таныхталча. Аннаңар госпитализацияны чапчалар: Асхыс аймааның имнег туразында, Хубачардағы имнег туразында, кожно-венерологический диспансерде. Офтальмология имнег туразында халған пациенттерні имненіп аларын сахтапчалар. Ідок Саяногорсктағы имнег туразында 20 орын хызырарлар.
Республикада ағырчатханнарның саны тусчеткені хоостыра Хакасия правительствозының 102 постановлениезер алызығлар кирілген. Кафелерге, рестораннарға орайға читіре тоғынарға чарадылча. Iдок QR-код чох кірерге чарир.
Культура, искусство учреждениелерде, спорт объекттерде, кинотеатрларда кізілер саны ханҷа даа поларға чарир. Паза сертифакаттар козітпин кіререге чарадылча. Ідок тойлар, корпоративтер, юбилейлер анаң даа пасха мероприятиелер иртірілер. Олғаннарға іче-паба чох кафелерзер чорерге оңдай пар.
Автор :
Кристина Боргоякова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде