Хакасия пазы, прай партияларны паза халых пiрiгiстерiн чыып, кӱстернi пiрiктiрерге хығырған
02.03.2022
Хабарлар
Пӱӱн Хакасия пазы республикадағы прай политика партияларының паза халых пiрiгiстерiнiң устағӌыларын чыған, ööн сурығны ӱзӱрерiне - амғы чуртас-политика киреен паза чуртағӌыларның чуртазын чахсыландырарын.
- Пӱӱн пiстi мында пiр тиксi пöгiн чыған. Ööркi пöгiн! Пiс ағаа пiрге тоғынып чидербiс. Iди ле пiстiң хазна чиңiп алар, пiс ол нименi кöп хати ирткебiс. Таңдағызынзар iзестiг кöрерiне пӱӱн республиканың прай тöстеглерi пар. Саннарға кiрбеспiн, экономика, бюджет паза инвестициялар iзестiг öзiс кöзiтчелер ле тиирбiн. Пiске амды ол öзiстi тударға паза тилiӌең наа оңдайлар табарға ла кирек. Иң ööнi - кiзiлернiң чахсы чуртазы. Пiрге тудыныс, пiстiң хазна президентiне паза Россия армиязына пiрге хабазығ, - таныхтаан Валентин Коновалов.
- Алғыс, Валентин Олегович, Сiрер прай политика кӱстерiн, халых пiрiгiстерiн пiрiктiрчеткенiңер ӱчӱн. Республикада прай ниме iзестiг паза пик поларына пiрге тоғынарға кирек. Сибирьнiң пӱдiзiнде пiс iзестiг чардых поларға кирекпiс, хайзы хазнаа пу оой нимес туста хабазар. Пiс позыбыс саринаң прай пастағларға, пiрге тоғысха хабасчабыс. Пiстiң политсовет площадказында сидiксiнiстiг сурығларнаң тоғынӌаң тоғысчы öме тöстир планнар полған. Пiс ол тоғыста партия öңiнең хыйа парыбызарға паза тöстелчеткен оңдайӌа тоғынарына прай кӱзiбiс саларға тимдебiс, - теен ЕР партияның кiзiзi, Хазна Думазының депутады Сергей Сокол.
Тоғазығ араласчылары постарының сағыс-кöрiстерiнең ӱлескеннер. Полчатхан киректердеңер чонға сын хабарлар искiр турарға кирек тiп пiр сағысха килгеннер. Iдöк чииттернең, Россияның сағыс-кöрiзiн чарыдып, тоғынарға киректелчеткенiн таныхтааннар.
Тоғазығны тоозып, устағӌылар республиканың халыхтарын ööн сурығда - хазнаның чуртас-экономиказын оңдайлирында паза хорғыс чох поларында - пiрiктiрерге тимделерiнеңер искiргеннер.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде