Донецк паза Луганск республикалардаң килгеннерге полызығ
09.03.2022
Хабарлар
Донецк паза Луганск республикалардаң килген чуртағӌыларға Хакасияның iстенiс паза социальнай арачыланыс министерствозы, чонға социальнай хабазығ пирӌең управление паза чонға тоғыс тапчаң кiн полызарға тимделер.
- Пiс Хакасияның миграция службазының Украинадаң килгеннердең искiрiглер алчабыс. Олар пiске нинӌе кiзi килгеннеңер паза хайда олар полчатханнаңар искiрчелер.
Алған искiрiгнi УСПН-зар читiрчебiс, анда полған на кiзее социальнай паспорт тимнелче. Iдöк сöбiренiң кирексiнiзi кöзiдiлер: иң кирек ниме-ноолар, палаларға олған садтары паза школалар, iӌе- пабаларға тоғыстаңар паза даа пасха нимелер. Аннаң андар искiрiглер ведомстволарӌа тарадылар: ӱгредiг паза наука министерствозынзар, хазых хайраллаӌаң министерствозынзар паза ПФР-ның Хакасияӌа пöлиинзер.
Килген кiзiлерге чонға социальнай хабазығ управлениезiнiң тоғынӌыларынаң палғалыста поларға кирек, прай сидiксiнiстердеңер чарыт пирер ӱчӱн. Андада толдыразынаң хабазығ идiлер, - таныхтаан Хакасияның iстенiс паза социальнай арачыланыс министрi Владимир Чебодаев.
Хакасияның iстенiс паза социальнай арачыланыс министерствозы мындағ хабазығлар пирерге тимде:
- алынӌа кiзее алай сöбiрее чурт;
- киректелчеткен пiчiктер паза социальнай хабазығ аларына пiчiктер тимнирiне полызығ;
- тоғыс табарға хабазарға, базада пар вакансияларнаң.
Хакасияның iстенiс паза социальнай арачыланыс министерствозының iзiг линиязы: 8(3902) 22-27-28;
УСПН-ның iзiг линиязы: 8(3902) 21-54-89;
ЦЗН-ның iзiг линиязы: 8(3902) 24-89-93.
Автор :
Юлия Шушакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде