ХАКАСИЯ ХОРҒЫСТАРҒА ТИМДЕ
10.03.2022
Хабарлар
Хакасия пазы Валентин Коновалов муниципалитеттер пастарынаң видео пастыра чыылығ иртiрген. Хайди ол таныхтаан, муниципальнай пӱдiстер пастарына правительствонаң хада кiчiг паза ортымах бизнеске хабазарына хайығ саларға кирек.
Федерация паза республика пирчеткен прай оңдайларнаң тузаланарға. Экономика мыннаң мындар тилiп турзын. Чыылығда iдöк суғлар чайылар паза öрттер сығар тусха тимненер сурығлар ӱзӱрiлген. Кӱскӱде öрттер иртiрбес полосалар 248 аалда нааӌылалған. Пу тоғыс узарадылар.
Арығларда сыхчатхан öрттернi ӱзiрер планнар тимнелген. Прай ГТС-тар суғлар чайыларына тимделер.
- Прай тоғыстарны азынада тимнеп турыңар: харны арығлап салыңар, минерализованнай полосаларны нааӌылаңар, чоннаң чоохтазығлар апарыңар. Пу пöгiннернi сыныхтағда тудыңар. Пiс прай хорғыстарға тимде поларға кирекпiс, - теен Валентин Коновалов.
Автор :
Николай Султреков
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде