ОРЫНДА АС-ТАМАХ СЫҒАРЫЗЫН ТИЛӀДӀРГЕ!
11.03.2022
Хабарлар
Россиядаң тоғыр хатығластар аал хонииндағы идiнҷектерге пос киреен тилiдерге наа оңдайлар асча. Ӏди санапча «Целинное» ООО устағҷызы Владимир Санников. «Россиядаң тоғыр хатығластар – ол орындағы ниме-ноо сығарчатханнарға хайығ айландырарына сылтағ», - тiпче ол.
Хыраҷылар кӧрiзiнең, пӱӱнгi политика киреене хайығ айландырбин поларға чарабас. Владимир Санниковтың сағыс-кӧрiзiн РТС пирче:
– Минiң кӧрiзiм – пос хазназына, Президентке паза Армияа хабазарға, олар сын кирек паза ынархас полар ӱчӱн чарадығлар аларға тимделер! Неонацисттер, кидеркi хазналар США-наң хада, прай оңдайларнаң тузаланып, амыр-иптiг чуртасты сайбирға кӱстенчелер, Россияны тоғыр хығыртығларӌа, хатығластарӌа тилекей системаларынаң чарарға сiренчелер, прай чир ӱстӱн Россиядағылардаң тоғыр кӧстепчелер.
Хайдағ даа сидiксiнiстер – ол олаңай хығыртығ нимес, ол хайди даа iстiндегi оңдайларны тилiдерiне, хазнабыстың экономиказын, чонның чуртас синiн чахсыландырарына прай кӱстi саларға кӧӧктiрче.
Пiс пiлчебiс, амғы кирек – ол орындағы чырғалға, ниме-ноо сығарчатханнарға хайығ айландырҷаң тус. Пiстiң чуртағҷылар иң артых ниме-ноонаң паза полызығларнаң тузаланарға турыстыралар, ол, тiзең, чир-суубыста сығарылған нимелер, чир ӱстӱнде иң чахсызы тиирге кирек. Пости, чағын, иң чахсы!
Пiс хынған Россиябыс ӧңненер ӱчӱн, ниме-нообысты алчатханнарны пӧзiк синнiг ниме-ноонаң ӧрiндiрер ӱчӱн прай ниме идербiс.
Россия - илбек хазна! Пiс прай сидiксiнiстернi тобырарбыс паза хай-хай кӱстiг поларбыс!
Чоохтирға кирек, Россия правительствозы кнезi Михаил Мишустин хазнаның аал хониина льготалығ кредиттер пирерiне 25 миллиард салковай позыдарға чарадығда хол салыбысхан.
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде