Кӧс килгеннерге – хазна хабазии
14.03.2022
Хабарлар
Хакасияның iстенiс паза социальнай арачыланыс министерствозы чонға социальнай хабазығ пирҷең устаныс пӧлiктерiнең паза тоғыс тапчаң кiннерiнең хада-пiрге Донецк паза Луганск чон республикаларынаң кӧсчеткен чуртағҷыларға полызығлар читiрерге тимде.
Министерство искiриинең, Украинадаң кӧсчеткен чуртағҷылардаңар искiрiгнi Хакасияның миграция службазы пирче. Олар килген чуртағҷылар санынаңар паза оларның орныхчатхан орыннарынаңар искiрчелер.
Чыылған искiрiг чонға социальнай хабазығ пирҷең устанысха читiрiлче, хайда чуртағҷаа паза аның сӧбiрезiндегi полған на кiзiзiне социальнай паспорт тимнелче. Анда сӧбiренiң кирексiнiстерi таныхталча: кип-азах, палаларға школа паза олған сады, iҷе-пабаа тоғыс киректелчеткенi паза пасхазы. Аннаң андар ол искiрiг кӧстеглiг ведомстволарзар ызылар: Хакасияның ӱгредiг паза наука, хазых хайраллаҷаң министерстволарынзар паза Пенсия чыындызының Хакасияҷа пӧлиинзер.
– Толдыра хабазығ алар ӱчӱн чуртағҷаа чонға социальнай хабазығ пирҷең устаныс тоғынҷыларынаң тӧремiл палғалыста поларға, кирексiнiстерiнең ӱлезерге, – таныхтаан Хакасияның iстенiс паза социальнай арачыланыс министрi Владимир Чебодаев.
Министерство кӧс килген чуртағҷыларға мындағ полызығларны читiрче: чурт пирче; кӧрiлген социальнай хабазығларны аларға пiчiктернi тимнирге; пос тоғыс орыннарынҷа тоғыс табарға полысча. Россия гражданствозы пар, кӧс килген чуртағҷы ады киречiлелген паза ӱр нимеске арачылағ пирiлген полза, тоғынарға хоза пiчiк аларға киректелбинче. Че пу пiчiктер чох полза, тоғынар ӱчӱн Хакасияның миграция службазында патент аларға киректелер. Полызығ кiзi орныхчатхан орында чонға тоғыс тапчаң кiнде читiрiлче.
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде