Ниме идерге идiнҷекке?
15.03.2022
Хабарлар
Хакасияның «Минiң пос киреем» кiнi пӱӱнгi хатығластарның кiчiг паза ортын пос киреене теелiзiн синдiрер кӧстегнең республиканың идiнҷектерiне тузалығ «тегiлек столлар» паза семинарлар иртiрче.
Кӧрiк айының 16-ҷы кӱнiнде 11.00-13.00 частарда «Амғы экономика оңдайларын паалиры. Пӱӱнгi кӱнде идiнҷек ниме ит полар паза идерге кирек» «тегiлек стол» иртер. Тоғазығ «Минiң пос киреем» кiнде (Ағбан г., Чоннар ынархазы ор., 2а, 2-ҷi хадыл) иртер.
«Налоги. Бизнес. Право» консультация службазы» ООО устағҷызы Елена Макарова идiнҷектерге мындағ сурығларға нандырығ табарға полызар: пос киреенең айғасчаң оңдайлар алысханынаңар, кризис ағылчатхан сидiксiнiстердеңер паза наа оңдайлардаңар, пу чағында тилир кӧстеглердеңер паза пос киреен хайраллап халар ӱчӱн идiнҷекке ниме идерге киректелчеткеннеңер.
Четвергте, кӧрiк айының 17-ҷi кӱнiнде, 15.00-16.30 частарда Zoom платформада "Ӱрег чох бизнес: социальнай сетьтерде хайди тоғысты узарадарға, клиенттернi паза парысты хайраллап халарға» вебинар онлайн иртер. Кӱн суриин тиксi саринаң чарыдар маркетолог, таргеттiг рекламаҷа специалист Артем Акишев. 5,5 чылға ол тиксi 11 357 291 салковай бюджеттiг 497 кампанияны маңнаныстығ иртiрген.
Вебинарда хайда пос кiзiлерiнең тоғынары – ВКонтакте, Одноклассники социальнай сетьтерде алай Telegram мессенджерде – чарыдылар; ВКонтакте пiрiгiс тӧстирiнҷе ӧӧн хаалағлар пирiлер; сығарылар искiрiглернiң планын тимнирi, наа араласчыларны тартары, социальнай сетьтердегi реклама оңдайлары ӱзӱрiлер. Вебинарға ссылка аралазарға сағынчатхан идiнҷектiң электроннай почтазына ызылар.
Кӧрiк айының 18-ҷi кӱнiнде 15.00-16.30 частарда Zoom платформада экспорт сурығларына чарыдылған «тегiлек стол» онлайн иртер. Экономика наукаларының кандидады, маркетингте паза наа ниме-нооларны тӧстирiнде 15 чыл азыра опыттығ консультант Дмитрий Демченко «Тастындағы чырғалнаң тоғыс: хырығ озариндағы партнерларнаң хайызығлар, хорғыстарнаң устиры, наа оңдайлар» сурығны чарыдар.
Импортнаң паза экспортнаң тоғынчатхан идiнҷектерге иң сидiк сурығларға нандырығ пирiлер: компанияның ӧӧн кӧcтее импорт алай экспорт полған полза, ниме идерге, партнерларнаң хайызығларны паза чӧптезiглернi хайди алыстырарға, парыстарның паза ниме-нооның кирексiнiзiнiң чидiспинчеткенi, ниме-нооны читiрерiн иптирi паза наа оңдайларны табары?
Килчеткен неделяда хазна хабазиина паза ахча сурығларына чарыдылған мероприятиелер иртер. «Тегiлек столларда» паза пасха мероприятиелерде аралазар ӱчӱн идiнҷектерге, «Минiң пос киреем» кiннiң сайтында – мойбизнес19.рф – пос кабинедiнде пу мероприятиелернi таап, пазынарға кирек.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде