Хада пiс – кӱспiс
16.03.2022
Хабарлар
Пӱӱн Россияның Украинадағы ӧнетiн чаа операциязынаңар паза андағ чарадығ алылғанынаңар пос кӧрiзiнең ӱлесче «Саянмолоко» ООО-ның ӧӧн директоры Валерий Левицкий:
– Аарлығ чир-суғҷылар! Пӱӱн Ада чир-суубыс оой нимес тусты иртче. Украинада ӧнетiн чаа операциязын пастааннаң сығара Европа хазналары паза США Россиядаң тоғыр экономика хатығластарын кирчелер, анзы тиксi сығарысха паза предприятиелер тоғызына теелген.
Россия правительствозы пiске хазна экономиказына хабазарын узаратча. Пос киреене паза МСП (кiчiг паза ортын пос кирее) тилiзiне, аал хониина хабазығ пирiлче, IT киреендегiлерге паза килкiм бизнеске ӧнетiн режим кирiлген. Ағаа хоза хазнабыстаң тоғыр сын искiрiг чаазы апарылча, экономика хатығластарынаң пасха, iдӧк культура, спорт, наука, имнег хатығластары кирiлче. Мында пiстiң хазнабыс, прай кирек социальнай хабазығны пирiп, пос чонын тастабинча.
Президент — ол пiстi арачылирға махачы чарадығны алған кiзi. Пiстiң компанияның улуғ паза ынағ ӧмезi Президентнең паза Россия Армиязынаң пiр ӱннең чарасча, ол Россияның полған на чуртағҷызының долгы нооза.
Пiс Интернетте тол парған тайма хабарларға, кӧрiндiре чӧй искiрiглерге киртiнмеске хығырчабыс. Ӏкiнҷiлес чох, Россиядаң тоғыр искiрiг чаазы апарылча, анда США паза Западтың пасха хазналары ӧткiн араласчалар. Пӧгiн пiлдiстiг – чонны хорғыдарға паза ӱрӱктiрерге. Официальнай искiрiге тӧстенiңер, кӧзiдiмге, Россияның арачыланыс министерствозының сайттарына паза «Объясняем.РФ» сайтха. Искiрiглернi арығлаңар.
Хатығластар ӧнетiн операцияның салтары нимес. Россиядаң тоғыр хатығластар ол пос алынҷа хазна полыбысханынаң сығара кирiлгеннер, хаҷан хазнабыс Американың чӧпчiлерiн сығар сӱрiбiскен, экономика кӱзiн паза ахча институттарын тыыт сыххан.
Пӱӱнгi кӱнде пiстiң президенттi, армияны ибiре тудынарға, оларға хабазарға паза удур-тӧдiр полызызарға кирек. Хада пiс – кӱспiс. Россия хайди даа прай сидiксiнiстернi паза тудығларны тобыр полар.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде