Амғы туста пааларны тöстег чох кöдiргенi - ол сайбағ
18.03.2022
Хабарлар
Хакасия пазы РТС телеканалда кöнi эфир апарған туста иң ағырсымнығ сурығларның пiрсi ӱзӱрiлген - паалар кинетiн öс парғаны. Идiнӌектер Россиядаң тоғыр кирiлген санкцияларға сылтанчалар.
Валентин Коновалов амғы туста паалар удаа öнетiн кöдiрiлчеткенiне хайығ айландырған. "Экономика тилiзi министерствозы кӱннiң сай пааларны сыныхтапча. Пiс кöрчебiс, хайдағ садығ сетьтерi, хайдағ поставщиктер пааларнаң ойнапча.
Мының алнында, прай пу кризистер пасталғалахха, УФАС рынок экономиказы хоостыра ла пааларны оңдайлирынаң айғасхан, хоптарға ла хайығ полӌаң. Че пӱӱн хазнаның пааларны тутчаң оңдайы алғыдылча, монополиядаң тоғыр службадағыларның пу кöрiмӌе полномочиелерi iдöк кöптең кöп полып одырча.
Нандырығ тудары пар поларға кирек. Пааларны кöдiрерiне пiр дее сылтағлар чох полғаны кöрiнзе, киректi оңдайлирға. Олох гречка, сахар...
Пӱӱнгi кӱнде пiстiң республикада гречка читкiӌедең кöп, орында öскiрчеткеннернiң, садығӌыларның складтарында. Че алынӌа садығ сетьтерiнде аның паазы öсчеткенiн кöрчебiс. Мындағ киректерде пiс пастап оларнаң чоохтасчабыс. Че пӱӱн федеральнай даа, регион даа синiнде пiстiң хылиибыс пасха. Пiстi испезелер, пiс нандырыға тартып сығарбыс, уголовнайға теере.
Мин андағ уйады чох рынок араласчыларынзар айланчам: пӱӱнгi киректе, хаӌан чааӌы операциязы апарылча, пааларны тöстег чох кöдiргенi, чазырбин чоохтаза, ол сайбағ!" - таныхтаан Валентин Коновалов.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде