Амғы моданың кирексіністері ӱзӱрілче
19.03.2022
Хабарлар
Хакасияның “Минің пос киреем” кіні республиканың идінӌектеріне Beinopen мода индустриязының институдының öмезін хығыр пирген. Пӱӱн-таңда институт öмезі республикада кип-азах тігерінең айғасчатхан улусха тузалығ лекциялар хығырча.
Россияда мода индустриязының тилізінеңер Beinopen институттың тöстегӌiзі Алексей Баженов чоохтап пирген. Аның кöрізінең, моданың таңдағызы - ол аның амғы технологияларнаң аймастыра тузаланары. Олох туста табырах алысчатхан кирексіністерӌе тоғынар оңдайларны ідöк чапчаң нааӌылирға кирек тіп санапча Баженов.
Пос таңмалығ кип-азахты сабландырарына, ағаа пос оңдайлығ поларына чахсы полызығ полар орындағы культура, регионның тархыны, ис-пайы.
Хакасияның мода паза ниик промышленность сидіксіністеріне “тегілек стол” чарыдылған. Пу кöстегде тоғынчатхан идінӌектер пос киреен тилідерінең, алғыдарынаң паза сабландырарынаң палғалыстығ сидік сурығларынаң ӱлескеннер. Алексей Баженов полған на сурығӌа сағыс-кöрізінең ӱлескен.
Аннаң пасха, пӱӱн идінӌектер Beinopen öмезінің кізілерінең алынӌа чоох алызарлар. Таңда мода индустриязы институдының öмезі республика идінӌектеріне наа лекциялар хығырар.
Ағбандағы моданың экосистемазын тöстирінӌе проект сессиязы иртер, анаң араласчылар маркетплейстернің тоғызынаң танызарлар, регионнарда мода хайди идерін піліп аларлар паза пасха наа пілістер аларлар.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде