Хакасия Украинада чуртазын пир салған матыр Александр Савельевнең анымӌохтасхан
19.03.2022
Хабарлар
19 мартта пiстiң чир-суғӌыбыс, чааӌы Александр Савельевтi тӱгенӌi чолына ӱдескеннер. Контракт службазының рядовойы Украинада денацификацияӌа паза демилитаризацияӌа öнетiн чааӌы операциязын апарған туста матыр чат халған.
Халғанӌы чолға ӱдезiг, хумартхылас митингi паза гражданскай панихида Саяногорсктағы "Визит" культура туразында ирткен. Александрның олған паза чиит тузы пу городта ирткен, мында ол школаны тоосхан, профессия алған, арғыстарын тапхан.
Чобағлығ кирек пӱӱн прайзын пiрiктiрген. Хумартхылас мероприятиезiнде Хакасия пазы Валентин Коновалов, городтың устағ-пастаа, чааӌы комиссариадының паза "Боевое братство" халых пiрiгiзiнiң кiзiлерi араласханнар. Матырны халғанӌы чолына ӱдезерге туған-чағыннары, арғыстары, пiр класста хада ӱгренгеннер, ол ӱгренген школаның паза техникумның ӱгретчiлерi паза аны танаан пасха даа кiзiлер килген.
Валентин Коновалов мындағ чахсы оолны, чааӌыны паза сын патриотты öскiр салған сöбiрее алғызын читiрген:
"Пiс сiрернең хада чобалчабыс. Улуғ алғыс сiрерге, Александрның махачы кирее ӱчӱн. Матырға саңайға сабланыс". Ада чир-суғ арачылағӌызын Новоенисейкадағы сыыратта чыып саларлар. Ағаа 22 час полған. Александрның iӌезi, ипчiзi паза кiчiг оолғы халған.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде