Арығ кии проекті Ағбаннаң пасталар
21.03.2022
Хабарлар
Тоғазығ. Хакасия пазы Валентин Коновалов Ағбан город пазы Алексей Леминнең тоғасхан. Тоғазығ республиканың ӧӧн городының пос тураларын чарытхынаң чылыдарына кирҷең проектке чарыдылған.
Хайди искірче РТС телеканал, Хакасия правительствозы киизер пуртах ниме-ноо тасталчатханын хызырар программаа ӱс чыл аразына 129 миллион салковай позыдар. Хара тас орнына чарытхынаң чылыдарына кірер проектті республиканың ӧӧн городынаң пастирға пӧгінчелер. Сыныхағлығ орынға Ағбанның 10-ҷы микрорайонын таллап алғаннар.
- Анда 800-че пос туразы, піс оларның кӧп чардығын, Лихачёв орамазы хырығларынҷа, проектке киріп аларға пӧгінчебіс, - чоохтаан Алексей Лемин. - Чарыда чоохтаза, 500-че тура чарытхынаң чылыдарына кирілер. Чоох парча пазағы чылығ пирҷең тустаңар.
Чуртағҷыларға льготалығ тариф турғызылар - 1 салковай, амғы туста микрорайондағы тариф - 1 салковай 70 ахча. Проектке ахча республика паза город бюджеттерінең тиңни позыдылар. - Сағам право саринаң тоғынылған механизм чоғыл, піс аны Ағбанның кӧзідімінде тимнебізерге пӧгінчебіс, - таныхтаан Хакасия пазы Валентин Коновалов. - Кирек чахсы парза, піс ол практиканы прай аал-городтарға тарадарбыс.
Ағбан городтың 10-чы микрорайонындағы полған на чурт ээзінең тариф компенсациязынҷа чӧптезіг иділер. Проект пӱӱл кӱскӱзін, чылығ иирчең тус тузында, пасталар.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде