Öрттер улуғ хорғыс ағылчалар
28.03.2022
Хабарлар
26 мартта чазыларда сыххан öрттер аалларға улуғ хорғыс ағылғаннар. Аннаң тоғыр öрт ӱзiрӌеңнер, орындағы чуртағӌылар кӱрескеннер. Республика ӱлгӱлерi, нандырығлығ службалар тузында хайынған сылтаанда, улуғ чобағ пол парбаан. Хазыр чилде, чылығ кӱнде чазыдағы öрттер аалларға тарап парыбызарға айабас.
Ирткен кӱнде 36 öрт полған, оларның 22-зiнде хуруғ от кöйген. Öрттер саны пылтырғыдаң кöп хати öс парыбысхан. Иң сидiк киректер полған Алтай, Асхыс, Ағбан пилтiрi аймахтарында. Öрт Хызыл чазы, Бондарев аалларға чағдап килген. Прай службалар табырах тоғынған сылтаанда, хорғыс чох идiлген. Пу öрттернiң сылтаа - кiзiлер отнаң салбыр тудынғаны. Пыролығлар табылчалар.
Регион пазының орынӌызы Юрий Курлаевтiң чооғынаң, пу öрттер 2015 чылда полған киректерге тööй. Профилактика тоғызын чахсы апарбаза, кирек улуғ чобаға айлан парар. Öрт ӱзiрӌеңнер чахсы тоғынчалар, чоннаң на тоғыс читкiӌе апарылбинча. Кiзiлер отты öртепчелер, кöйчеткен отты тастап парыбысчалар, сöп-сапты öртепчелер. Муниципалитеттерге патрульнаң чöрерге, аалларда хуруғ отты арығлирға, öрт иртiрбес полосаларны нааӌылирға кирек. Иблеп чорiп, чоннаң чоохтазығлар апарарға. Амды öрттердең тоғыр режим кирердеңер сурығ ӱзӱрiлче.
Республика ӱлгӱлерi чуртағӌыларзар айланчалар! Чиллiг кӱнде от тамызарға чарадылбинча. Хуруғ отты öртирге чарабас. Сöп-сапты öртебеңер, кöйчеткен тамкыны хуруғ отсар тастабаңар. Сайбағӌылар административнай алай уголовнай нандырыға тартыларлар.
Автор :
Ирина Макарова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде