ГАЗЕТАА ПАЗЫН - МАРЫҒДА АРАЛАС!
30.03.2022
Хабарлар
Марығ. Газетабыс 95 чылын таныхтапчатханда, хығырығҷыларға аарлығ сыйых тимнир сағыс тӧреен. Ниме ол полар?
Республиканың «Хакас чирі» газетазының 95 чылына чарыдып, хығырығҷылар аразында «Чыып ал сыйых» марығ чарлапчабыс. «Чыып ал сыйых» марығның ӧӧн сағызы - газетада сығарылған чардыхтардаң хоос чыырға, аны чыып алғаннар марығда аралазарлар. Паза пір кирексініс - газетаа пазыныс. Марығ иртчеткен туста хығырығҷыбыс хайди даа газетаа пазын саларға кирек. Аның пазынысты киречілепчеткен пічии поларға кирек.
Марығда аралазарға сағынчатхан хығырығҷаа постаңар искірігнең хада (толдыра ады-солазы, палғалысчаң оңдайлар, телефон номері алай электроннай почта адрезі) паза чыылған хоосты алай аның сомын, «Чыып ал сыйых» танығ идіп, почтаҷа пу адреске ызарға:
655017, Ағбан г., Щетинкин ор., 34 алай электроннай почта адрезіне: stranahabar@mail.ru. Пічіктер сілкер айының 31-ҷі кӱніне теере редакциязар кірерге кирек.
Марығ чиңісчізі паза сыйыхха турызар пис араласчы ВКонтакте социальнай сетьте кӧні кӧзідіг тузында ӧнетін таллағҷа (араласчыларның ады-солазы пазылған чаҷыннар пір ідістең сығара тартылар) табылар. Марығ чиңісчізіне ӧӧн сыйых читірілер, сыйыхха турысханнарына - редакция адынаң сыйыхтар.
Марығ чиңісчілерін 2022 чылның хандых айында сыйыхтирбыс.
Автор :
«Хакас чирі» газета редакциязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде