НАА ЧЫЛ ЧОНЫБЫСХА ЫРЫС АҒЫЛЗЫН АЛҒЫСТАСТАР
30.03.2022
Хабарлар
Чыл пазы-2022. Кӧрік айының 26-ӌы кӱнінде Аибандағы аал хонии чырғалында чон иртенӧк тығырама чыылыс парған. Анда пӱӱл Чыл пазы ӱлӱкӱн пастағызын на иртірілді
Пандемиянаң палғалыстығ хатығластар суурылғанда, пӱӱл Чыл пазы ӱлӱкӱн, ирткен чылларнаң тиңнестірзе, алғьім таныхталды. Анзы уғаа ӧріністіг.
Ӱлӱкӱн «Хан пиглер» ойыннаң пасталған. Пістің тархыныбыста махачы кізілер Хакас чирін тӧстирге кӧп кӱс салғаннар. Республиканың артисттері оларнаң ойын пастыра таныстырғаннар.
Анаң чонны ӱлӱкӱннең алғыстирға Хакасия пазының орынӌызы Ольга Пономарева паза аймах-город пастары сценазар сыхханнар. Хакасия пазы Чыл пазында аралас полбаан. Валентин Коновалов ол кӱнде Украинадағы ӧнетін чаа операциязында чуртазын пир салған матырыбыс Владимир Боргояковты тӱгенӌі чолына ӱдезерге Асхыс аймаандағы Чоғархы Тӧӧ аалзар парыбысхан.
- Хакас Республиканың аарлығ чур-тағҷылары паза аалҷылары, Хакасия пазының паза правительствозының адынаң сірерні чарых пайрамнаң алғыстапчам. Чыл пазы прайзының хынған ӱлӱкӱні полча. Хакас чон пурунғыдаң Наа чылны часхызын таныхтапча. Андада чир-чайаанның кӱстері усхунчалар.
Пӱӱн чил тиктең ӱбӱрбинче. Чил соонаң хайди даа кӱн чарыпча. Ол пістің чирге сыынчатхан хара кӱстерні хыйа сӱрче. Амғы сидік туста піс улам кӱстеніп тоғыналар. Чир-суубыста мал саны хозылзын, ээн турчатхан хыраларыбыста пазох ас-тамах аймаа ӧссін, промышленность паза аал хонии тилізін, чуртағҷыларыбыс мыннаң артых чуртазын. Хакасия паза Россия ӧңнензін! Чайааннар піске полыссыннар! Прайзын ӱлӱкӱннең! - чоох тутхан Хакасия пазының орынӌызы Ольга Пономарева.
********************************
Толдыразынаң хығыр турарға итсе, электроннай кӧріміне пазын саларға чарир пу чолҷа - http://khakaschiry.ru/gazetaa-pazynys.php
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде