"Пос кöңнiнең полысчатханнар - тархын хайраллағӌылары"
30.03.2022
Хабарлар
Москвада "Пос кöңнiнең полысчатханнар - тархын хайраллағӌылары" тиксi Россиядағы форум тоғызын пастабысты. 100 азыра кiзi - Россияның Öлiмi чох полкының регион штабтарының устағӌылары, халыхчылар, öткiн кiзiлер, чыылызып, Чиңiс кӱнiне чарыдылған тимнеглiг тоғысты ӱзӱргеннер.
- Пiс хаӌаннаңох сығара тоғаспаабыс, удур-тöдiр кöрiспеебiс. Ам удур-тöдiр кöрiсчебiс, сығанахтарыбыснаң, иңнiлерiбiснең теертiсчебiс, аннаңар форум чылығ тоғазығ чiли ирт парарына iзенчем. Мыннаң мындархы тоғысты кöр саларбыс паза пöгiннернi толдырарбыс, - таныхтаан Россияның Öлiмi чох полкының ööн штабының кнестерiнiң пiрсi, генерал-полковник, Ах арығ Георгийнiң 4-ӌi степеньнiг орденнiң кавалерi Сергей Макаров.
Форум араласчыларына ӱгредiг иртче. Россияның Халыхтар палатазы комиссиязының кнезi Елена Родионова араласчыларға "Киртiндiрер тус" ӱгредiг иртiрген. Анаң араласчылар политология, тархын, искiрiглiг киреендегi ööн специалисттерiнiң лекцияларында полғаннар.
Амғы туста хазнада паза тилекейде полчатхан киректерзер сын оңдайнаң кöрер пöгiннең, иртiрiлчеткен патриот кöстеглiг тоғыстарны тимнирiнде ööн кöстеглернi орта турғызары уғаа кирек полча. Форумның iкi кӱннiг ӱгредiглiг программазы пу сурығларға чарыдылған. Форумның тöстегӌiзi Россияның Öлiмi чох полкы полча паза Президент гранттарының фонды хабазиинаң иртiрiлче.
Автор :
Тимнеен Оксана Челтыгмашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде