СОМНЫҢ ТАРХЫНЫНАҢАР
01.04.2022
Хабарлар
Марығ. Газетабыстың пайрамнығ 95 чылына чарыдып, мының алнында газетабыста сыххан сом хоостыра «Мин хакас газетазында» марығ чарлапчабыс
Республика чуртағӌыларынаң улам пик палғалыс тудар паза хығырығӌыларның санын алғыдар пӧгіннең хакас тілліг газетаның пайрамнығ чылында прайзын «Мин хакас газетазында» марығда аралазарға хығырчабыс.
Марығ араласчызына хакас чонның газетазында 2000 чылға теере сыххан позының иргі сомының хобырғанын «Хакас чирі» газетаның редакциязынзар ыс пирерге киректелче. Ағаа хоза, ноға матыр газетада сых парғанынаңар сомның тархынын чарыда пас пирерге. Арса, ол мының алнында хайдағ-да марығда, фестивальда, школадағы мероприятиеде араласхан, алай аның тоғыс тузы сомнал парған. Арса, сом матыры митинг тузында газета страницазына усанабас кір парған.
Марығда араласчатхан хығырығӌы позынаңар искірігнең хада (толдыра ады-солазы, палғалысчаң телефон номері алай электроннай почта адрезі) сомны, аның тархынынаңар хоости пазылған пічікті, «Мин хакас газетазында» танығ идіп, почтаӌа пу адреске ызарға:
655017, Ағбан г., ЩЕТИНКИН ор., 34 алай электроннай почта адрезіне: stranahabar@mail.ru.
Пічіктерні 2022 чылның 1 декабрьына теере алчабыс.
Салтарлар иділген соонаң чиңісчі паза сыйыхха турызар тӧрт араласчы улуғ хырлас айында «Хакас чирі» газетаның редакциязы адынаң сыйыхтарнаң таныхталар.
Автор :
«Хакас чирі» газетаның редакциязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде