Михаил Мишустин: чонға, идінӌектерге, чииттерге - хабазығ
10.04.2022
Хабарлар
Россия правительствозының кнезі Михаил Мишустин пӱӱн Хазна Думазында хазнабыстаң тоғыр кирілчеткен хатығластарның теелізін синдірер пöгіннең чарадылған хабазығлардаңар сан-пиріснең чоох тутхан. Оларның чардығын пирчебіс:
- Тоғыс орыннарын хайраллир пöгіннең: «ФОТ 3.0» программаӌа чарым чылға кредит каникуллары пирілче; пос киреендегі ахча айланызын толдырӌаң кредит программалары тоғынча;
- налог хабазығлары: парысха налог тöлеӌең тус пір айға соона салдырылған; тузында тöлелбеен налог ӱчӱн пеня ікі хати тӱзірілген; регионнарға наа ла тоғынчатхан идінӌектерге “налог каникулларын” кирер оңдайны узарат пиргеннер (2025 чылға теере); 2021 чылға паза 2022 чылның 1 кварталынға УСН-ча налог тöлир тус чарым чылға узарадылған;
- хайығда тудары нииктелче: 2,5 миллион линцензия пос алынӌа узарадылған; сертификаттарның (25 муң) паза декларацияларның (нинӌе-де чӱс муң) тоғыс тузы 1 чылға узарадылған; имнег ниме-нооларын санға турғызар тус хызырылған, сынап олар пасха хан чиріндегі ниме орнына сығарылчатса; 900 азыра товарға пошлина чох иділген; хырығ озаринаң пос тузаланызына товарларны ағылар син 1000€ читірілген; хырығ озаринаң аал хонии ниме-ноозын сыныхтиры нииктелген; хоза импорт кирілген;
- административнай хайығ синдірілген: сыныхтағлар саны хызырылған; чарадығларға хопты чарғы алнында пирерге чарир; налог сайбағларынӌа киректі налог органнарының материалларынӌа ла азарға чарир;
- чиит идінӌектерге хабазары: 2030 чылға теере чииттерге тоғыс табарынӌа программа тоғынча, аны хоостыра пу чылда 10 миллиард салковай кöріл парған, 260 муң чиит оол-хысха хабазығ читірілер; профессия алыстырарынӌа, тоғысха кöнікчеткенін хайығда тударынӌа проекттер паза чиит идінӌектер клубтары маңнаныстығ тоғынчалар; Инновацияларға хабасчаң чыынды программалары öткін чуртасха кирілчелер: «Инношкольник», «Умник», «Старт». «Студент стартабында»100 муң азыра кізі араласча; чииттерге пос киреен азарына 500 муң салковайға теере, Арктикада, тізең, 1 миллион салковайға теере, пирілер.
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде