КИБЕЛіСТЕРӀ ЧОНДА ХАЛҒАН
20.04.2022
Хабарлар
Хумартхылас. Пу кӱннерде Ағбан пилтірі аймааның Чарков аалындағы ортымах школада саблығ поэт Валерий Майнашевке хумартхы чарды асханнар
Ол часхы кӱнде сӧрӧн, че айас mu-rip полған. Ана андағ тусха хын-ӌаң пу чирлердең сыххан саблығ поэдібіс Валерий Майнашев. Аны «ха-касский Есенин» тіӌеңнер, че Валерий андағ тиңнестіріге хынмаӌаң, «Мин Есенин нимеспін, мин Валерий Майна-шевпін!» тіӌең. Че, улуғ ачырғасха, ол 1992 чылда, 44 чазын апарчадып, кӱн кірізінзер саңайға наныбысхан.
Пӱӱл Ағбан пилтірі аймаанда поэт Валерий Майнашевтің чылы тіп чар-лааннар. Аны хоостыра Чарков аал-дағы чон Ағбан пилтірі аймаандағы улуғлар чӧбі пастаанынаң хумартхы тасты орындағы школада хыс саларға ахча чыған. Соонаң ағаа саблығ чайаа-чы устың адын пирерге пӧгін тутчалар. Пу школада Валера оолағас, Аххол аалдаң киліп, ортын класстарда ӱгрен-ген нооза.
Пу танығлығ мероприятиее орын-дағы чуртағӌылар чыылысханнар паза Ағбаннаң Майнашевтің хада хонғаны, пістің саблығ ырӌыбыс Зинаида Ар-шанова, оларның хызы Алина («Читі-ген» театрда маңнаныстығ тоғынчат-хан актриса), ідӧк республикадағы писательлер пірігізінің кнезі Альбина Курбижекова, Хакасияның чон писа-тельі Галина Казачинова, Чайаачы-
лар туразының тоғынӌызы Ирина Юсупова, филология наукаларының кандидады Наталья Таскаракова, те-левидение паза радио хабарӌылары паза даа пасхазы килгеннер.
Пастап аалға толдыра Россия-ның паза Хакасияның хазна гимннері чайылғаннар. Анаң чоох тутханнар паза килген чонны алғыстааннар Ағ-бан пилтірі аймааның пазы Елена Его-
рова, Хакасияның чон артизі Зинаи-да Аршанова, Чарковтағы ортымах школаның директоры Лилия Токма-шова паза Ағбан пилтірі аймаандағы улуғлар чӧбінің араласчызы Галина Янгулова. Школаның ӱгренӌілері поэт Валерий Майнашевтің кибелісте-рін хығырғаннар.
Анаң ах иснең чабылған хумартхы чардыны Валерий Майнашевтің хада хонғаны Зинаида Аршанова паза Чар-ковтағы школа директоры Лилия Ток-машова асханнар.
Школа алнындағы мероприятие тоозылған соонда, чыылысхан кізілер хости орныхчатхан Культура туразы-ның улуғ залынзар парғаннар. Анда Валерий Майнашевтің чуртазынаңар паза чайаачы тоғызынаңар чоохтар-ны узаратханнар.
Илья ТОПОЕВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде