КИБіРЛіГ ОРЫННАРДА ЛИЦЕНЗИЯ ПИРБЕСКЕ
20.04.2022
Хабарлар
Хакасияның чир-чайаан ис-пайы паза экология министерствозы алтын сыныхтирға паза анирға лицензияны чир-чайааннаң кибiрлiг тузаланҷаң орыннарда (ТПП) пирбестеңер пастағнаң сыхча.
Закон хоостыра чир-чайаан тың хайраллалчатхан орында хайдағ-да кирекнең айғазарға чарадылбинчатса, ТТП-ларға ол чарадығ теелбинче. Лицензияны пирерi – федеральнай ӱлгӱ органнарының полномочиезi. Ис-пайлығ орын ТТП чирлерiне кiрзе дее, чир ис-пайын анирға, ол кӧстеге лицензия пирерге тоғырланыс чоғыл. Россияның ағас кодексi арығ-тайғаларда iдӧк чир ис-пайын анирға чаратча.
Олох туста Хакасия правительствозының чарадиинҷа орынның ады пiчiкте таныхталған соонаң, ӱрег айландырылбаанда, чир ис-пайын анирға чарабас. Асхыс аймаандағы ТТП орнында 22 лицензия пирiл парған, ӧӧн чардығы алтын тiлирiне пирiлген.
Чуртағҷыларның суғларның кiрленчеткенiнеңер хоптарын алтын аныпчатхан компанияларның тоғызының лаборатория iстезiглерi киречiлепчелер. Оларны хайыға алар ӱчӱн Росприроднадзорзар ысчалар. Хакасияның чир-чайаан ис-пайы паза экология министерствозы пу сидiксiнiстердеңер прай синнерде искiрген.
Сағысха кирерге кирек, 2016 чылда Асхыс паза Таштып аймахтарында 360 муң гектар чирде чир-чайааннаң кибiрли тузаланҷаң орын ас саннығ чилегелiг чоннарның кибiрлiг чуртас орыннарын хайраллир пӧгiннең тӧстелген.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде