Чааӌыларға хабазып, пайрам
30.04.2022
Хабарлар
Пӱӱн республиканың ипподромында, Украинада öнетiн чаа операциязында араласчатхан чааӌыларға хабазып, "Zа наших" пайрам ирткен.
Пайрамда Россияның чаа кӱстерiнiң, Росгвардияның, МЧС-тың öнетiн техниказының кöзiдии ирткен. Олғаннар, техниказар сығып, чааӌылар чiли одыр кöргеннер. Iӌе-пабалар палаӌахтарын паза постары даа чаа техниказының хыринда сомға суурынғаннар. Ағбанның алынӌа тимiр чолның 5-ӌi бригадазының чааӌы поварлары, чааӌылар кашазын тимнеп, ипподромда чыылысхан чонны тикке азырааннар.
- Пiс чааӌылар кашазын 130 азыра кiзее тимнеебiс. Полған на кiзее кашаны пирчебiс. Пiстiң мында улуғ нимес теес полыбысхан. Iзiг кашаны полған на кiзi чiп аларғы хынча, - чоохтаан чиис тимнеен Татьяна Филиппова.
Пайрамға килген кiзiлер городтағы чайаачы öмелернiң концертiн хынып кöргеннер. Аннаң пасха, ат чарызының 90-ӌы сезоны пайрамни азылған, хайда чалаң паза öнетiн чарысха кöрiлген хаңаалығ кiзiлер аттығ чарысханнар. Iдöк ипподромда аал хонии ярмарказы тоғынған. Анда ит, мööт, аймах тадылығ чиистер садылған. Iдöк ӱӱӌiкте паза садта айғасчаң тус читкенде, аал хонии ярмаркзында ағастарның, ӱӱӌiк тамааның паза даа пасха öзiмнернiң рассадалары садылған.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде