Хакасия пирген чöптер "Арығ кии" программазынзар кирiлгеннер
30.04.2022
Хабарлар
Россияның чир-чайаан ис-пайы паза экология министерствозы проект чарадиин тимнебiскен, хайзында киизер тасталчатхан ниме-ноо синiн хызырарына регионнарға ахча пирiлерiнеңер пазыл парған. Андар Хакасия пирген чöптер кiр парғаннар. Федеральнай бюджеттең хара таснаң одынчатхан алынӌа тураларны газнаң, чарытханаң алай тураны нинӌе-де оңдайнаң чылыдарына кирерiне ахча позыдылар. Ахчалығ хабазығ iдöк чарытхы сетьтер объекттерiн тыхтирына паза пӱдiрерiне кöрiл парған.
- Республика правительствозы Ööркi Чöптiң экологияӌа, чир-чайаан ис-пайынӌа паза чир-чайааннаң тузаланарынӌа комитедiнең хада федеральнай кiннең тоғынғаннар. Тоғыстың салтары - Россияның чир-чайаан ис-пайы паза экология министерствозы пу хабазығларны "Арығ кии" программазынзар кир салған. Россия правительствозының кнезi Михаил Мишустинге, хазна правительствозы кнезiнiң орынӌызы Виктория Абрамченкоға паза Россияның чир-чайаан паза экология министрi Александр Козловха пiстiң пастағларыбысха хабас пиргеннерi ӱчӱн алғыс! - теен Хакасия пазы Валентин Коновалов.
Республиканың иң улуғ городтары Ағбаннаң Харатас "Арығ кии" хазна проектiнiң азынада тимнелген пiчиине кiр парған. Пӱӱл 1 июльда пiчiк чарадыға алылар. Наа араласчы-регионнарда проект 2023 чылда чуртасха кирiлер.
Хакасияның правительствозы алынӌа туралар киинi кiрлепчеткен хоостыра сурығны регион синiнде пöкче. 2021 чылда алынӌа тураларны чарытхынаң чылыдарына кирерiнӌе пос программазын тимнебiзерге чöп пирiлген. Хорадығларның чарымын республика бюджедi тöлир. Ағбанның 10-ӌы микрорайонында пилот проектi пӱӱл чуртасха кирiлче.
Валентин Коноваловтың таниинаң, Хакасия тиксi хазнада мындағ практиканы чуртасха кирчеткен пастағы регион полча.
Автор :
Хакас Республиканың пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде